العودة   شبكة سيدات مصر > اقسام الاناقة والجمال > تجهيزات العروسة
التسجيل التعليمـــات قائمة الأعضاء التقويم البحث مشاركات اليوم اجعل كافة الأقسام مقروءة

تجهيزات العروسة تجهيزات عرايس,تحضيرات الزفاف,تجهيز العروسة,زينة العروس,تجميل عرايس,تجهيز عرايس,فرش بيت العروسة,تجهيزات العروس ,تجهيز العروس,تجهيزات الخطوبة,تجهيزات الزواج,تجهيزات الزفاف,تجهيز العرائس , تجهيز الشقة,wedding preparation 2017


بتوضبى شقتك...تعالى هنا بسرعة يا عروسة ليكي عندي كل الاسرار

تجهيزات عرايس,تحضيرات الزفاف,تجهيز العروسة,زينة العروس,تجميل عرايس,تجهيز عرايس,فرش بيت العروسة,تجهيزات العروس ,تجهيز العروس,تجهيزات الخطوبة,تجهيزات الزواج,تجهيزات الزفاف,تجهيز العرائس , تجهيز الشقة,wedding preparation 2017



إضافة رد
 
أدوات الموضوع انواع عرض الموضوع
قديم 12-01-2009, 09:59 PM   #1
mony4ever
ليدي مجتهده
 
تاريخ التسجيل: Nov 2009
المشاركات: 341
بتوضبى شقتك...تعالى هنا بسرعة يا عروسة ليكي عندي كل الاسرار
انشر علي twitter


ازيكم يا احلى سيدات مصر
الموضوع ده من غير رغى كتير حول كيفية ترتيب و فرش البيوت والشقق صغيرة المساحة

كل الشقق دلوقتي مساحتها صغيرة جداً.. وكل الناس وخصوصا الشباب المقبلين على الزواج عايزين يعملوا من الشقة الصغيرة شقة جميلة وأنيقة..وفكرة الاستعانة بمهندس الديكور مش مطلوبة بس في المساحات الكبيرة والأماكن الفاخرة لكن ممكن كمان تستشيرى مهندس ديكور في أقل المساحات علشان تستغلى كل جزء في الشقة استغلال مفيد وشيك..
دى شوية معلومات لو انتى لسة بتأسسى بيتك.....ربنا يرزقنا الخير كلنا يارب

الأخشاب الطبيعية
معروف إنها غالية قوي..ما هي أنواع الأخشاب المصنعة والقريبة من الأخشاب الطبيعية؟
الأخشاب الطبيعية المصنعة لها استخدامات تختلف عن الأخرى والأخشاب الصناعية ممكن تكون أحسن من الطبيعية زي مثلاً (ضلف الدولاب الطويلة) خصوصاً إنها بتكون أوفر في التكلفة.وأشهر الأخشاب الطبيعية "الأرو" و"الزان"، و"الأرو" أسهل في التشكيل وبه أنواع ودرجات...وأفضل أنواع الزان هو "الزان الأحمرالروماني"
وهناك أنواع أخرى من الخشب مثل "الخشب الماهوجني"، "البلاسندر" و"الجوزي"، وأفضل حل هو أنواع "خشب القشرة" التي تستخدم كلصق على الأخشاب المصنعة، وتعطي شكل الخشب الطبيعي بالظبط.

الموضوع الأصلى من هنا http://forums.egyptladiess.com: شبكة سيدات مصر https://forums.egyptladies.org/showthread.php?t=9279
نصيحة مهندس الديكور لاختيار أنواع أقمشة الأنتريهات تكون أنيقة وشيك وسعرها معقول؟


يوجد أنواع"الشانيليا" المنتشرة في الموديلات المودرن، وفيه القماش السلك "الحرير" والقماش المشغول والقطيفة والجلود الطبيعية لكن هناك الأقمشة المصنعة الحديثة تشبه الشمواه بالظبط واسمها "مايكوفيبر"؛ لأن الشمواه غالي جدّاً، وبيكون سهل في التنظيف ومقاوم للبقع والسوائل وبقع المأكولات.

لكن لو فيه نوع من الأقمشة العادية غير مقاومة للبقع ممكن تعالج عن طريق رش الفرش بمواد كيماوية تقاوم أي بقايا أكل وأتربة وعصائر وبتعمل طبقة عزل حول القماش.

ما أحدث أرضيات الموضة دلوقتي غير السيراميك والرخام؟
أولاً اختيار الأرضيات سواء سيراميك أو رخام أو موكيت أو باركيه يرجع لذوق أصحاب المكان لكن أحدث الأرضيات دلوقتي وعليها إقبال كبير أرضيات (HPF)

واللي انتشرت في الفترة الأخيرة لسهولة تنظيفها وأسعارها المعقولة،وسهولة تركيبها ويمكن خلعها وتركيبها في مكان آخر وهو مختلف خالص عن الباركيه الألماني؛ لأن الناس معتقدة إن (HPF) هو الباركيه الألماني لكن
(HPF)هو خشب مصنّع ومجهز للتركيب مباشرة وبه ألوان كثيرة جدّاً.


أحدث أنواع السجاد المناسب؟
مش لازم كل الناس تلجأ إلى شراء السجاد الموجودة في السوق ولو فيه فكرة معينة تقدرى تنفذها مع مهندس الديكور ويتناسب مع شكل الأثاث والأرضيات فمثلا اللون البني هو السائد في شكل الأثاث فلازم يكون السجاد ألوانه مختلفة تماما عن البني زي الأصفر والأحمر ونقلل الحجم والمساحة بتاعة السجاد.


وإيه أحدث أنواع الدهانات وهل ورق الحائط رجع موضة تاني؟
بالنسبة لورق الحائط فهو رجع موضة بأشكال جديدة ومختلفة زي ورق الحائط القطيفة والمعدن، وهناك أيضاً الخشب يستخدم كتجليد للحائط خصوصاً عندما يتوافق مع الأرضية والأثاث والسجاد.لكن أحدث أنواع الدهانات هي دهانات (الأسبونش) لأنه به نقشات بسيطة وبألوان متناسقة مع بعضها.

هل السقف بيختلف عن الحوائط؟ وإيه الأشكال الإستايل لتصميم السقف؟
السقف طبعا بيختلف وفيه ناس تفضّل السقف الساقط سواء (الخيون بورد أو البلاطات) وفيه (السقف الحقيقي) المناسب للمساحات الصغيرة؛ لأن السقف الساقط يعطي إحساساً بالضيق، وكل ما كان الأثاث كلاسيك ممكن نقسم السقف بانوهات، ولو المكان مودرن يفضل ألا نقسم السقف.


معظم الشقق دلوقتي مساحة صغيرة ومثلاً عندي مكان واحد للأنتريه.. إزاي أزيد من عدد الكراسي علشان الضيوف؟
لو فيه أنتريه مكون من كنبة وأربعة كراسي ممكن أستغل (ترابيزة الوسط) وأضع بداخلها بوفات (كراسي من غير ظهر)وأستعمله لو فيه عدد كبير من الضيوف وفي نفس الوقت تكون مناسبة للأطفال وبيحبوها أكتر من كراسي الأنتريه نفسه، وكمان في نفس الوقت بتحمي الأنتريه وبتكون البوفات للاستهلاك.

إزاي أقلل من مساحة الأعمدة بالشقة؟
لا أستطيع أن أتخلص من الأعمدة؛ لأنها تضر سلامة المبنى لكن ممكن نجملها ونتحايل عليها يعني ممكن نجلدها بالمرايات أو الخشب أو الرخام، وهذه الطرق استهلكت، ولكن الأفضل والأحدث أني أستغل العمود كديكور يعني مثلا أعمل عامود مثله وأعمل بينهم (أرج) وأوصل بينهم وبين أقرب حائط وأعمل فتحة بشكل معين جمالي بيضاوي أو دائري أو مربع وأضع فيها إضاءة أو أنتيك وبكده أكون حولت العمود إلى ديكور.


عايزة أعمل تحف في الأركان وترابيزات عليها فازات وأنتيكات من غير ما آخد مساحة؟
ألجأ في هذه الحالة إلى تصميم الديكور (الأراضي) وهو مناسب للمساحات الضيقة، وهي المسطحات الرئيسية في الحائط يعني آخد مساحة من الحائط وأصمم فكرة الفتحة وأضع بها أنتيكات أو تماثيل أو أباجورات، وممكن أعمل سبوت لايت يعمل إضاءة على الأنتيكات الموجودة.بجد بيبقى شكلها شيك اوووى يا تفيدات


إزاي أستغل الإضاءة كويس وبشكل يوسع مساحة الشقة؟
الإضاءة ليها فائدتين:إضاءة صريحة للمكان وإضاءة زينة،وعشان أحقق الهدفين مع بعض لا أعتمد على عنصر واحد، والإضاءة جزء من الإكسسوار وممكن أكتّر من إضاءات الزينة.

هل الإسبوت مناسب للمساحة الصغيرة؟
الإسبوت يتناسب أكثر مع السقف الساقط وهذا النوع من السقف لا يتناسب مع المساحات الضيقة وممكن أعمل حاجة زي (بيت نور) وهي دائرة حول الحائط بينها وبين السقف فراغ زي الكرانيش وغير ملتصقة بالسقف ويكون وراها الإضاءة وعادة تكون من لمبات فلوروسنت طويلة، وممكن تغني عن النجف بجانب بعض الأباجورات والأباليك كل ده يعطي ديكور ويوسع من شكل الشقة.

إزاي أعمل دولاب فضية كبير يستوعب جهاز العروسة من غير مساحة كبيرة؟
أي شقة يكون فيها أعمدة أستغل مكان العمود وأصمم بين الأعمدة دولاب فضية جوه الحائط، وبكده أكون قللت من مساحة دولاب الفضية مهما كان حجمه والأعمدة تكون اختفت كمان.


إزاي أستغل الفراغات في عمل ديكورات بسيطة؟
الديكور يعتمد على مكانه من الشقة يعني لو الفراغ موجود في مدخل الشقة ممكن أعمل كونسول (ترابيزة) صغيرة وأضع عليها متعلقات خاصة أو ورد صناعي أو مرايا، ولو الفراغ في الريسبشن أعمل كورنر صغير عبارة عن كرسيين وبينهم ترابيزة ولو جنب السفرة أضع ترابيزة الشاي لو موجود في غرفة المعيشة أعمل مكتبة تخزين، ولو في غرفة النوم أعمل جزامة.

إزاي أختار الإكسسوار المناسب لتجميل الشقة؟
الإكسسوار مهم جدّاً وبعد ما أختار أساس الشقة وأفرشها أبدأ أختار الإكسسوار ولازم يكون موجود في كل مكان زي الفاز واللمبادير والتابلوهات والبراويز والصور والورود المجففة، ويفضّل إن الإكسسوار يكون مختلف عن أساس الشقة يعني لو الأساس بيج في بني لا بد من الإكسسوار يكون أخضر أو أصفر أو أحمر، ولو الأساس كلاسيك لازم أتوافق مع الخط العام يعني أعمل الإكسسوار من السيرما والفضيات والكريستال، ولو الأساس مودرن أضع نجف وأنتيكات وورود مجففة وأهم إكسسوار للحمام هو دولاب التخزين تحت الحوض بأشكاله المختلفة التي تستوعب كل محتويات الحمام وممكن أفصل بين الأنتريه والسفرة بدل الستارة بباب مبطن من الزجاج أو الخشب أو أعمل تحديد للخشب من نفس نوع الأساس تكون فاصل تحديدي بين السفرة والأنتريه

الشيش أحسن ولا الألوميتال؟ وإيه أحدث أنواع الألومنيوم المفيدة صحيا؟
اختيار شيش أو الألوميتال يرجع لذوق الشخصيات، والشيش يحمي من أشعة الشمس، وأنا في رأيي إن الألومنيوم الآن أفضل؛ لأنه مصنع من قطاعات الألومنيوم عازلة للحرارة، وقادرة على عزل التراب والضوضاء حتى ولو من غير ستارة وهو عبارة عن ألومنيوم (الدبل جلاس)عبارة عن قطعتين زجاج، والهواء متفرغ بينهم، ويوجد أيضا في قطاعات الألومنيوم دلوقتي حاجة اسمها (الفونش) بيعمل على عزل التراب تماما من الشارع، ويوجد أيضا زجاج عاكس ملون لا يسمح بالرؤية لكن وجود ستارة خلف الألومنيوم يعطي شكلاً جمالياً، وده يرجع لذوق صاحب الشقة.

هل ممكن أعمل دولاب تخزين ملابس (دريسنج روم) بدلا من الدولاب الأصلي بغرفة النوم وفي نفس الوقت يكون متوافق مع شكل الغرفة؟

معظم الناس دلوقتي بيختاروا غرف النوم بدون تسريحة وبتكون عبارة عن سرير و2 كومود والدولاب الدريسنج روم بيكون بحجم الغرفة شمال ويمين، ويضم كل محتويات التخزين من بطاطين وقمصان وبدل وفساتين وشرابات، وهو بديل عن الدولاب التقليدي لغرفة النوم، والكومود أصبح مجهز بشكل يستوعب كل الاحتياجات وبه مكان للنظارة والكتاب والأباجورة و وكل حاجة، وممكن أصمم دولاب دريسنج روم لوحده وأختار السرير والكومود المناسب معاه وأضع بداخل الدولاب سبوت إضائي بيعمل شكل جمالي بداخل الدولاب مع المرايات، وده يغني عن التسريحة وعلى فكرة دولاب الدريسنج روم بيتعمل عمولة على حسب المساحة.

أخيراً هل ممكن أعمل مزْج بين الكلاسيك والمودرن داخل الشقة الصغيرة؟
ممكن أمزج بين الكلاسيك والمودرن لكن الناس اللي بتحب الكلاسيك بتختار كل حاجة كلاسيك، والناس اللي بتحب المودرن بتختار كل حاجة مودرن

لكن قبل كل ده لازم أقلل من مساحة الأثاث ومش كل حاجة تعجبنا تكون مناسبة مع مساحة شقتنا، ولازم أعمل تناسق بين الألوان، ولازم أهتم بشكل الغرف؛ لأن فيه ناس بتهتم بالريسبشن على حساب باقي الغرف، ولازم استشارة مهندس الديكور حتى ولو كانت مساحة الشقة صغيرة يا عرايس تفيدة

ربنا يتمم للجميع على خير يارب
وان شاء الله بيوتكم هتكون اوسع واجمد بيوت فى الدنيا طبعا مش بيوت عرايس سيدات مصر القمرات

لو عجبك موضوعى just
ادعيلى يا قمر
موااااااااااااااااااه



fj,qfn arj;>>>juhgn ikh fsvum dh uv,sm gd;d uk]d ;g hghsvhv ld;d hghsvhv fj,qfn fsvum arj;>>>juhgn uv,sm uk]n

mony4ever غير متواجد حالياً   رد مع اقتباس الرد السريع على هذه المشاركة
قديم 01-25-2010, 09:23 AM   #2
ساره مصطفي
 
تاريخ التسجيل: Nov 2009
المشاركات: 5,086
افتراضي رد: بتوضبى شقتك...تعالى هنا بسرعة يا عروسة ليكي عندي كل الاسرار

ساره مصطفي غير متواجد حالياً   رد مع اقتباس الرد السريع على هذه المشاركة
قديم 01-27-2010, 12:39 PM   #3
ايودة2008
 
تاريخ التسجيل: Feb 2009
المشاركات: 5,300
افتراضي رد: بتوضبى شقتك...تعالى هنا بسرعة يا عروسة ليكي عندي كل الاسرار

تسلم ايدك روووعه
ايودة2008 غير متواجد حالياً   رد مع اقتباس الرد السريع على هذه المشاركة
قديم 01-31-2010, 08:43 AM   #4
ندى الياسمين
 
تاريخ التسجيل: Dec 2009
المشاركات: 7,424
افتراضي رد: بتوضبى شقتك...تعالى هنا بسرعة يا عروسة ليكي عندي كل الاسرار

بارك الله فيكي
مجهود رائع منك
ندى الياسمين غير متواجد حالياً   رد مع اقتباس الرد السريع على هذه المشاركة
قديم 01-31-2010, 12:32 PM   #5
اسماء هانم
 
تاريخ التسجيل: Nov 2009
المشاركات: 10,604
افتراضي رد: بتوضبى شقتك...تعالى هنا بسرعة يا عروسة ليكي عندي كل الاسرار

بجد تحفة
تسلم ايدك
اسماء هانم غير متواجد حالياً   رد مع اقتباس الرد السريع على هذه المشاركة
إضافة رد

مواقع النشر (المفضلة)

الكلمات الدلالية (Tags)
ميكي, الاسرار, بتوضبى, بسرعة, شقتك...تعالى, عروسة, عندى

*=== (( ما يلفظ من قول إلا لديه رقيب عتيد )) ===*

الرسالة:
الصندوق الماسي الخامس - Massy Version 5
خيارات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اخطاء فى شقتك يا عروسة المتكحلة بدم خائنها تجهيزات العروسة 10 12-01-2013 08:53 PM
لكل عروسة تعالى شوفى ونقى احدث واجمل جهاز ليكى دودووووو ديكورات 2017 - ديكور شقق 2017 4 09-10-2011 12:13 PM
تعالى اتعلمى عندى ليكى 20 طريقة للف مناديل الصفرة lovelyjess الاشغال اليدوية - التدبير المنزلي 6 03-22-2011 08:32 PM
تعالى عندى تركيب اجمد واحلى عطور مش هتلاقيها فى حتة تانية غير عندى انا meroooza سوق الجمعة 20 12-25-2010 08:30 AM
تعالى اعملى عروسة ليكى او لبنتك من صنع اديكى noralain تريكو - كورشيه - خياطة 6 11-24-2010 06:27 PM


الساعة الآن 03:02 PM

 



Powered by vBulletin® Version 3.8.9
Copyright ©2000 - 2017, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)