فرحك قرب وبشرتك بتعاني من الاسوداد وبقع داكنة تعالي عندي الحل
روابط تهمك
روابط تهمك

العودة   شبكة سيدات مصر > اقسام الاناقة والجمال > العناية والجمال
التسجيل التعليمـــات التقويم البحث مشاركات اليوم اجعل كافة الأقسام مقروءة

العناية والجمال العناية بالجمال بوسائل طبيعية آمنة.. ولحل كثير من المشاكل الجمالية التي قد يصعب حلّها.


فرحك قرب وبشرتك بتعاني من الاسوداد وبقع داكنة تعالي عندي الحل

العناية بالجمال بوسائل طبيعية آمنة.. ولحل كثير من المشاكل الجمالية التي قد يصعب حلّها.



فرحك قرب وبشرتك بتعاني من الاسوداد وبقع داكنة تعالي عندي الحل العناية والجمال

فرحك قرب وبشرتك بتعاني من الاسوداد وبقع داكنة تعالي عندي الحل

السلام عليكم ورحمة الله وبركاته ازيكم يابنات عاملين ايه يارب تكونوا بخير معكم خبيرة التجميل همسات الملائكة للوصفات الطبيعية فرحك قرب وعايزة حاجة تساعد

 
 
أدوات الموضوع انواع عرض الموضوع
قديم 11-29-2022, 11:07 AM   #1
خبيرة التجميل هموسة
 
تاريخ التسجيل: Jul 2022
المشاركات: 45
افتراضي فرحك قرب وبشرتك بتعاني من الاسوداد وبقع داكنة تعالي عندي الحل

السلام عليكم ورحمة الله وبركاته

ازيكم يابنات عاملين ايه يارب تكونوا بخير
معكم خبيرة التجميل همسات الملائكة
للوصفات الطبيعية

فرحك قرب وعايزة حاجة تساعد على تفتيح بشرتك
وبتعاني من البقع الداكنة وكمان تفتيح المناطق الحساسة بسرعة
عندي الحل باذن الله ومش هتصدقي النتيجة بعد التجربة
وهتدعيلي

قبل كل حاجة بحب انصح كل بنوتة لازم لازم العناية ببشرتك
حتى لو محدش اتقدملك لازم تعتني بالبشرة عشان توفري
وقت عنايتك قبل الفرح واي نوع بشرة محتاجة لفترة طويلة
عشان يبان الفرق واضح وعريسك يتهبل بجمال بشرتك
ولما تسالي اي بنت ليه مابتعتنيش بالبشرة قبل حد مايتقدم وكدة
عشان البقع مابتزدش او ممكن بشرتك تحتاج لوقت اطول
وفترة قبل فرحك مش هتكفي للعناية بالبشرة وتحلي مشاكلها
هتقولك ماهو معنديش وقت للعناية او مثلا تعبانة ونفسيتي مرهقة
لاء ده كلام فاضي ومش مقنع ابدا لان فترة العناية سهلة جدا جدا
مش هتاخد منك غير كم دقيقة لو مثلا عملتي روتين بسيط وسهل
كل يوم مش هتحتاجي لفترة طويلة للعناية قبل الفرح ومش هتحتاسي بعدها هعمل ايه ولا ايه والكلام ده

انا هقولك هتعملي ايه كروتين يومي وكمان اسبوعي وشهري
عشان تبقى بشرتك جميلة وناااااااااااااعمة وزي القشطة
ومعندكيش اي اسوداد وكمان المناطق الحساسة هتكون قشطة
قشطة منورة ماااشي يلة نبتدي ياقمر وخليكي مركزة معايا
انا عراقية وبكتبلك بالمصري عشان تفهمي مني اكتر

روتين الشاور وده هيكون تلات مرات في الاسبوع

حاجة سهلة وسريعة هتعمليها ومش هتاخد منك اي وقت
وهي كالاتي
بعد دخولك للحمام عشان تاخدي الشاور العادي بتاعك
اعملي الاتي
هاتي رز مطحون وهاتي سكر ناعم وهاتي زيت زيتون
حطي معلقة اكل رز مطحون مع ملعقة اكل سكر ناعم مع
اربع ملاعق اكل زيت زيتون اخلطيهم كولهم كويس
اغسلي بشرتك عادي بمية دافية وصابون دوف وبعد ماتغسليهم
بالمية حطي من الخلطة دي على كامل بشرتك وافرديها على البشرة
عدا المناطق الحساسة متخليش منها ماشي
سيبي الخلطة دي لدقيقة وبعدها اعملي تدليك خفيف لكامل بشرتك
بشكل دواير خفيفة زي مابتعملي الصنفرة كدة فهمتي
اعملي التدليك بشكل دواير لكل حتة من بشرتك ايدك رجلك كل حتة
منك اعمليها التدليك بشكل دواير كصنفرة فهمتي وبعدها بقى
اغسلي بشرتك بمية دافية بعد كدة اغسلي بشرتك تاني
بمية وصابون دوف وبعدها اشطفي البشرة بمية وخلاص
بعدها بقى رطبي بشرتك بالكريم اللي هقولك عليه

الكريم
هاتي معلقة اكل فازلين وحطي عليها معلقتين اكل كريم مرطب
دوف الوردي وحطي كمان معلقتين اكل زيت ورد اخلطيهم كويس
كولهم مع بعض واحفظيهم بعلبة فاضية عندك ده بقى كريمك
بعد كل شاور فهمتي ياقمر

حطي من الكريم ده لكامل بشرتك عدا المناطق الحساسة
اما المناطق الحساسة فدي هتغسليها بمية دافية والغسول
اللي كتبته بموضوعقبل ده ممكن تشوفيه عندك هنا بالمنتدى
هو عبارة عن غسول طبيعي هتعمليه بنفسك

اغسلي المنطقة وبعدها حطي من زيت الورد بقطنة مبلولة بالزيت
وامسحي المنطقة دي بالكامل والبسي هدومك عادي
وماتنسيش لازم تكون الملابس الداخلية من القطن الناعم ماشي

روتينك اليومي
بعد ماتصحي من النوم اغسلي وشك بغسول مناسب لنوع بشرتك
بعدها حطي التونر المناسب وممكن تعملي تونر طبيعي بنفسك
اخلطي كوب ماء ورد مع ملعقة اكل جل الالوفيرا الطبيعي من النبات
وحطيهم في قزازة واحفظيهم في التلاجة عندك وكل يوم بعد غسل
الوجه حطي بقطنة مبلولة بالتونر بتاعك وامسحي بشرتك
وسبيها تنشف لوحدها هتحسي بنعومة رائعة وكمان هتكون
بشرتك طرية وصحية وكمان هتمنع دخول سموم المكياج لبشرتك

استخدمي مزيل المكياج من الطبيعة احسن من اي منتج مزيل
معمول من مواد كميائية ممكن تحطي نقطة زيت زيتون على بشرتك
وامسحي بعدها بالقطنة لكامل الوش عشان تشيلي مكياجك
وبعدها اغسلي وشك عادي الطريقة دي صحية جدا ومفيدة للبشرة
وهتقلل ظهور التجاعيد بالمستقبل

ونصيحة كمان اوعي تتعرضي لاشعة الشمس وانتي حاطة مكياجك
عشان مواد المكياج هتتفاعل مع اشعة الشمس الفوق البنفسجية
وبعدها هتدخل زيوت المكياج السامة لداخل بشرتك وبالشكل ده
هتتكون عندك مسام واسعة وظهور حبوب حمرا وبقع
وغيرها من مشاكل البشرة

روتينك الشهري

استخدمي حمام مغربي مرة كل شهر
ده هيفيدك جدا جدا بنعومة بشرتك وكمان هيمنع اي بقع داكنة
ممكن تطلع بالمستقبل وكمان هيعالج اي خشونة بالركب او الاكواع
طريقة استخدامك للحمام المغربي زي ماتكوني رايحة لكوافيرة
ودي طريقة اي كوافيرة تعمله للعرايس هقولها ليكم وده سرهم طبعا
هكتبه ليكم يابنات ماشي

الطريقة الصحيحة لعمل الحمام المغربي كالاتي
وركزوا معايا ماشي

اول حاجة هتعمليها ياقمرة انك تغسلي
جسمك بالمية الدافية وبالماء فقط بدون اي صابون
بعد مابليلتي جسمك بالمية ياقمر
خدي كمية من الصابون المغربي
وادهني جسمك بالكامل وبعد كدة بقى ادعكي
جسمك بشكل دواير لمدة عشر دقايق بالصابون ده ماشي

تاني حاجة اغسلي جسمك دلوقتي
من الصابون ده بالمية الدافية بشكل كويس جدا
بعدها بقى هاتي الليفة المغربية وادعكي جسمك بيها كالاتي
الايدين والدراعين هتكون طريقة
الدعك بشكل مسح مع ضغط جامد
هتبدئي من اول اطراف صوابعك
لحد اخر الدراع بطريقة مسحك بالليفة
وطبعا هتضغطي بالليفة وكمان لما تلبسي الليفة بايدك
لازم تدعكي بشكل مسح على راحة الايد
وتبدئي من اول الاصابع لحد نهاية الدراع
اما باقي الجسم هيكون طريقة الدعك بشكل
دواير وبرظوا هتكون بضغط شوية بالليفة
ادعكي كامل جسمك بالشكل ده لمدة عشر دقايق ماشي
بعد كدة بقى اغسلي جسمك تاني بالمية الدافية فهمتي ياقمر

بعد كدة هاتي الطمي المغربي وخدي منه
كمية قليلة وحطيها في طاسة صغيرة
وحطي عليها معلقة اكل مية ورد واخلطيهم
مع بعض وبعدها ادهني جسمك بالكامل بالطمي
بعد دهانك بالطمي ادعكي بشرتك لمدة عشر دقايق
برظوا وبشكل دواير كمان
بعد كدة اغسلي جسمك بالمية الدافية برظوا ماشي
بعدها بقى هاتي المكونات دي
معلقة حنة عادية وحطيها في طاسة صغيرة
وحطي عليها نعناع مطحون ناعم جدا
وحطي عليهم معلقتين مية ورد واخلطيهم
مع بعض وادهني جسمك كمان واعملي دعك بيهم
لمدة عشر دقايق كمان فهمتي ياقمرة وبرظوا بشكل دواير
بعدها بقى اغسليه بالمية الدافية ماشي

بعدها بقى هاتي ملح الحليب وخدي منه
كمية قليلة وحطيها في طاسة صغيرة وحطي
عليها معلقتين مية ورد واخلطيهم وادهني جسمك بالكامل
بعدها اعملي صنفرة بشكل دواير
بكامل بشرتك ولمدة عشر دقايق
بعد كدة بقى اغسلي جسمك بالمية الدافية تاني

بعد كدة هاتي صابونة الطاووس وادهني
جسمك لمدة خمس دقايق بس
وبعدها اغسلي جسمك بالمية الدافية

وبكدة خلصتي الحمام المغربي وتقدري تنشفي جسمك وترطبيه
بالمخمرية او كريم مرطب وتكملي لبسك وتخرجي خلاص



ولو حابة انك ترطبيه بالمخمرية برظوا هقولك هتعمليها ازاي

وهي كالاتي
هاتي علبة صغيرة فازلين وحطيها في حلة صغيرة وحطيها على النار
لحد ماتسيح خالص عندك وبعد كدة
هاتي معلقة اكل زيت السمسم ومعلقة اكل زيت الزيتون
ومعلقة اكل زيت الجلسرين السائل
وحطيهم فوق الفازلين السايح ده
واخلطيهم كولهم مع بعض وبعد كدة طفي النار ماشي
بعدها هاتي ازازة زيت عطري اي نوع
حسب رغبتك وحطيها فوق الخليط ده
واخلطيهم تاني كويس وبكدة بقى عندك مخمرية حلوة اوي
هتدهني بيها كل جسمك ودي برظوا مفيدة
لنعومة شعرك وهتعطره كمان
ودلوقتي انتي خلصتي حمامك
ورطبتيه بالمخمرية دي وبكدة بقيتي قمر 14
وطريقتي دي هي طريقة الكوافيرات تماما

انا خلصت موضوعي يابنات وتعبت من الكتابة
عايزة دعوة حلوة بقى هههههه بحبكم اوي

الى لقاء اخر ان شاء الله
مع السلامة










المصدر: سيدات مصر شبكة سيدات مصر - من قسم: العناية والجمال


tvp; rvf ,favj; fjuhkd lk hghs,]h] ,fru ]h;km juhgd uk]d hgpg


من مواضيعي
0 كريم همسات لنفخ الخدود بشكل دائم كريم امن ومضمون ومجرب
0 شعر حرير ولامع بوصفة سهلة جدا من خبيرة التجميل همسات الملائكة
0 سرقوا مني اختراعاتي ومواضيعي ونشروها ع اليوتيوب ونسبوها باسمائهم
0 طريقة عمل كيراتين طبيعي لشعر حريري من اول استخدام مجرب ومضمون
0 صابونة الارز من خبيرة التجميل همسات الملائكة
0 افضل لوسيون لتطويل الشعر وتكثيفه بسرعة مجرب من خبيرة التجميل همسات الملائكة
0 طريقة عمل كريم نفخ الخدود من مواد طبيعية
0 زيت الحية الاصلي الحقيقي وشامبو بزيت الحية لتطويل وتكثيف ومنع تساقط الشعر
0 خلطة همسات لتسمين الخدود والارداف امنة ومضمونة ومجربة
0 من اسرار خبيرة التجميل همسات الملائكة وصفة فعالة للمسام الواسعة قولي للمسام باي باي
0 بديل الديرما رولر
0 وصفة سحرية جدا وطبيعية لعلاج الشيب الشعر الابيض بشكل نهائي باذن الله مجربة
0 اقتراح بسيط
0 ماذا حصد العراق من الحكم الشيعي بعد سقوط النظام ؟ ادخل لتعرف الجواب الكامل
0 فرحك قرب وبشرتك بتعاني من الاسوداد وبقع داكنة تعالي عندي الحل

خبيرة التجميل هموسة غير متواجد حالياً   رد مع اقتباس
 

مواقع النشر (المفضلة)

مواضيع ذات صله العناية والجمال


العناية والجمال



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فرحك قرب وبشرتك بتعاني من الاسوداد وبقع داكنة تعالي عندي الحل خبيرة التجميل هموسة العناية بالبشرة والجسم 0 11-29-2022 12:10 PM
عندك ترهلات فى البطن بعد الولادة تعالى عندى الحل سمسمة101 سوق الجمعة 0 09-06-2022 10:39 PM
بتعانى من صمت زوجك طب تعالى اووشا الحياة الزوجية 9 09-27-2022 09:01 AM
بتعانى من جفاف فى بشرتك طب تعالى اووشا العناية بالبشرة والجسم 7 06-30-2022 06:56 PM


الساعة الآن 11:23 AM


Powered by vBulletin® Version 3.8.11
Copyright ©2000 - 2022, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

شبكة سيدات مصر منتدى للنساء فقط

↑ Grab this Headline Animator