العودة   شبكة سيدات مصر > الاقسام العامة > فضفضة من القلب > ساعدوني
التسجيل التعليمـــات التقويم البحث مشاركات اليوم اجعل كافة الأقسام مقروءة

ساعدوني ركن خاص لمساعدة واستفسار العضوت بعضهم لبعض


حجاب أم 16 سنة vs حجاب أم

ركن خاص لمساعدة واستفسار العضوت بعضهم لبعض



حجاب أم 16 سنة vs حجاب أم

فيه موضوع واقف فى زورى بقالى فتـــرة ... الموضوع إنه بصراحة كدة فيه ستات وبنات كتير اوى لو سألتيها إيه هو الحجاب ؟ تقولك أمر وفرض من ربنا

 
 
أدوات الموضوع انواع عرض الموضوع
قديم 06-03-2018, 11:40 AM   #1
ندى الغلا
طرد نهائي
 
تاريخ التسجيل: Feb 2018
الدولة: بهالكرة الارضية سورية من حلب
المشاركات: 139
Cool حجاب أم 16 سنة vs حجاب أم


فيه موضوع واقف فى زورى بقالى فتـــرة ... الموضوع إنه بصراحة كدة فيه ستات وبنات كتير اوى لو سألتيها إيه هو الحجاب ؟

تقولك أمر وفرض من ربنا على بنات ونساء المسلمين
تقوللها طيب شروط الحجاب إيه ؟

تقولك إنه لا يصف ولا يشف ولا يكون زينة فى ذاته ولا يكون معطر ولا يكون للشهرة ويشمل عموم الجسم برافو

إنما لو بصيتى على هدومها و سألتى لسان حالها إيه هو الحجاب حتلاقى الرد عبارة عن :

الحجاب حاجة بتتلبس على الراس طلعنا لقينا أمهاتنا وقرايبنا لابسينه فبنلبسه .. وكل واحدة تلبسه زى ما يناسبهااحلى ابتسامة

طب إيه هى شروط الحجاب ؟

إنه يكون شيك ولايق عليكى ومناسب لمرحلتك العمرية .. يعنى البنت اللى عندها 16 سنة لها حجاب مختلف عن اللى يناسب اللى متجوزة ومعاها بيبي باردو يختلف عن اللى يناسب اللى عندها مثلا 40 .. غير اللى فوق ال 50 ....بارقص

يعنى لازم ميكبركيش فى السن وتكون ألوانه لايقة على بشرتك ..

والحجاب فى الشغل يختلف عن الحجاب فى المصيف يختلف باردو عن الحجاب فى الأفراح يختلف عن الحجاب فى المسجد

يعنى للأسف بقى الحجاب واللبس اللى المسلمة بتلبسه زيها زى أى واحدة فى العالم بس بتولف الموضة والأزياء على حتة قماشة حطاها على شعرها
طب بالله عليكوا تعالوا نفكر بالراحة ...

ليه عاوزة تلبسى هدوم شيك وملفتة وألوانها زاهية وتتناسب مع مناسباتك ؟؟

هو مش ده بيتناقض مع شرط (( لا يكون زينة فى ذاته ))

أكيد فيه واحدة حتقوللى : لازم المسلمة يبقى شكلها كويس ومظهرها مرتب وإلا تبقى منفرة وواجهة سيئة للإسلام بره

كلامك صح وجميل .. لكن مين قال إن عكس البهدلة والمنظر الوحش هو الهدوم الملفتة والعبايات الكاجوال والدريسات والتونيكات والجينزات !!!

أنا مش حقولك ملحفة و نقاب علشان معروف إنه مختلف عليه (( مع إن فى نظرى ده أحلى لبس بجد ))

إنما ليه ميبقاش عبايات سادة والوانها وقورة وحجاب طويل يدارى ويستر ملامح الجسم أيا كان إسمه بقى خمار , إيشارب , إسدال.. وتكون هدوم نظيفة ومكوية وقماشتها راقية وحلوة
مين لما يشوف المنظر ده حيقرف من الإسلام ويقول يــــع شوفوا المسلمات شكلهم وحش إزاى ؟؟؟

مين قال إنك لو مش لابسة الألوان الفاقعة والعبايات الملفتة أو الجيبات الجينز والبوليرو يبقى بتسيئي للإسلام ولنفسك ؟؟

بتنزلى تلفي كام ساعة قبل ما تشترى أى طقم جديد وكام ساعة زيهم على الشنطة والحذاء وكام ساعة عالإيشارب كــــــــل ده وفى الآخر تقوليلى من شروط الحجاب إنه ميكونش زينة فى ذاته ؟؟؟
أومال إنتى بتتعبى التعب ده كله كله !! علشان مظهر الحجاب أودام العالم ميبقاش منفر ؟؟؟

بالله عليكى خليكى صريحة مع نفسك ... إنتى فعلا مقتنعة إن ده الصح ولا معترفة إن فتن الدنيا غصب عنك وخداكى ونفسك فعلا تلبسي الحجاب الشرعى بس مش قادرة

المصيبة إنى عارفة ناس كتير مصممين يعاندوا ويقاوحوا ... وفيها إيه الجيبة الجينز وعليها بادى وإيشارب صغنن ...

بالله عليكى تفتكرى ربنا لما قال آية (( ياأيها النبي قل لأزواجك وبناتك ونساء المؤمنين يدنين عليهن من جلابيبهن )) أو آية (( وليضربن بخمرهن على جيوبهن )) هل المقصود بالآيات دى الجيبة الجينز والبوليرو ؟؟؟

ده فيه حديث بيقول : " عَنْ عَائِشَةَ رَضِيَ اللَّهُ عَنْهَا قَالَتْ : يَرْحَمُ اللَّهُ نِسَاءَ الْمُهَاجِرَاتِ الْأُوَلَ لَمَّا أَنْزَلَ اللَّهُ ( وَلْيَضْرِبْنَ بِخُمُرِهِنَّ عَلَى جُيُوبِهِنَّ ) : شَقَّقْنَ مُرُوطَهُنَّ فَاخْتَمَرْنَ بِهَا " رواه البخاري

الحجاب فى الإسلام واضح جدا الهدف منه وهو الستر للمرأة وتجريدها من أى زينة أو إنها حتى تلفت النظر وإن الحجاب ده زى ما تقولوا غطاها من أولها لآخرها ( أو على بعض الأقوال بإستثناء الوجه والكفين )

الإسلام حرم حتى إن الست وهى ماشية صوت إكسسواراتها تبان (( مش الإكسسوارات نفسها حتى))

وكل الكلام ده موجود فى القرآن حتى يعنى مش فى حديث عشان محدش يفكر إنه حديث مش صحيح ...

وبالرغم من كل ده الإعلام زرع فينا للأسف أفكار مغلوطة عن الحجاب .. إزاى بنت عندها 16 سنة تلبس لبس ست عندها 50 سنة ؟؟ ده يبقى شكلها غريب ومش منطقى

طب معلش هو إيه المشكلة فى كدة ؟؟ مش الآية اللى نزلت لهم هما الإتنين تأمرهم بالحجاب واحدة ؟؟

مش أم 16 سنة دى لو ماتت إنهاردة حتتحاسب بالضبط زى أم 50 سنة ؟؟؟

مش المتجوزة حتتحاسب على حجابها واللى لسة متجوزتش حتتحاسب باردو ؟؟

و التخينة حتتحاسب والرفيعة حتتحاسب؟؟

ولو إحنا أسقطنا آية الحجاب دى على الهدوم اللى بتتباع دلوقتى فى المحلات تفتكرى حتنطبق على كام فالمية منها ؟؟

يا جماعة الحجاب فرض زيه زى أى فرض .. علشان نطبقه لازم نعرف ربنا طالبه مننا إزاى وإلا نبقى زى اللى سمع عن إنه فيه حاجة إسمها صيام راح قايل خلاص أنا حصوم طول شهر محرم وحصوم من أول الظهر لحد العشاء ...

الموضوع بجد خطير أوى يا جماعة .. أنا كلامى ده بوجهه للبنت اللى لابسة بنطلون جينز وعليه بادى ومبينة حتة من شعرها .. وبقوله للى لابسة عباية ملفتة وبتفكر إزاى المرة الجاية حتجيب عباية ملفتة أكتر وأشيك وأحلى وأليق عليها .... أرجوكى أقفى مع نفسك وقفة وفكرى فى الآخرة شوية .. اللى لبسوا الحجاب الشرعى مش على كوكب تانى
يا حبيبتى الشارع مش المكان المناسب اللى تلبسي فيه وتتشيكى وتظهرى إبداعك وفنك فى تنسيق الألوان .. خلى الكلام ده للبيت إعملى فيه ما يحلو لكى إنما خلى الشارع لوجه الله مكان للحجاب الشرعى فقط .. إنتى غير كل النساء اللى فى العالم .. لإنــك مســـــلـــمـــة
منقوول

المصدر: سيدات مصر شبكة سيدات مصر - من قسم: ساعدوني


p[hf Hl 16 skm vs


من مواضيعي
0 يوميات شري طريقة عمل كبسه الدجاج السعودي
0 سورة الفجر بصوت ملائكى جميل
0 كيف يمكنني الانضمام إلى طاقم إدارة سيدات مصر
0 حان الوداع فتذكروني بكل الخير
0 طريقة عمل شوربة العدس
0 سمك مشوى على الطريقة المصرية
0 شروط الزواج الصحيح
0 تفسير رؤية الميت فى الحلم او المنام
0 مشكلة بتحميل الصور
0 أفضل وأحدث علاج طبيعي لأطفال الشلل الدماغي و التأخر الحركي بالوطن العربي
0 تفسير الأحلام : قص الشعر
0 أضرار الزنجبيل
0 قوانين قسم ساعدوني
0 يللى بترخصى نفسك تعالى شوفى الرجالة بتفكر ازاى
0 فتكات اسوء منتدى بالكون تم نشر بجميع مواقع فتكات خائنة

ندى الغلا غير متواجد حالياً   رد مع اقتباس
 

مواقع النشر (المفضلة)

الكلمات الدلالية (Tags)
حجاب

مواضيع ذات صله ساعدوني


ساعدوني


*=== (( ما يلفظ من قول إلا لديه رقيب عتيد )) ===*

الرسالة:
الصندوق الماسي الخامس - Massy Version 5
خيارات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
ازياء محجبات 2018 , اشيك موديلات حجاب 2018 , حجاب مودرن 2018 , موضة حجاب 2018 من تركيا داليا مودي ازياء محجبات 2018 - ملابس محجبات 2018 13 04-07-2018 10:28 PM
حجاب انيق لبنات شيك , لفات حجاب جديدة , كونى محجبة روشة مع لفات حجاب 2018 * Dollcy * ازياء محجبات 2018 - ملابس محجبات 2018 20 03-19-2018 10:10 PM
بالصور ملابس حجاب 2018 - احدث ملابس حجاب - موديلات وملابس حجاب فخمه - Veiled clothing 2018 بسكوته ازياء محجبات 2018 - ملابس محجبات 2018 3 11-06-2018 08:25 AM
صور عمر دياب الجديدة 2018 - صور حصرية لعمرو دياب - لعشاق عمرو دياب داليا مودي صور 2018 5 06-24-2018 12:56 AM
حجاب منتهى الاناقة والشياكة , تألقي بحجابك مع موضة حجاب 2018 داليا مودي ازياء محجبات 2018 - ملابس محجبات 2018 16 03-06-2018 11:53 PM


الساعة الآن 06:19 AM

converter url html by fahad

 



Powered by vBulletin® Version 3.8.9
Copyright ©2000 - 2018, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

شبكة سيدات مصر منتدى للنساء فقط

↑ Grab this Headline Animator