العودة   شبكة سيدات مصر > الاقسام العامة > فضفضة من القلب > الحيرانة
التسجيل التعليمـــات التقويم البحث مشاركات اليوم اجعل كافة الأقسام مقروءة

الحيرانة قسم لكل ما تواجهها مشكلة وتخاف أن يكون اسمها ظاهر او معروف بين العضوات اكتبي بعضوية الحيرانة حافظاً علي خصوصيتك: باسورد 123456


اعمل ايه مش قادرة اتقبل الوضع دة

قسم لكل ما تواجهها مشكلة وتخاف أن يكون اسمها ظاهر او معروف بين العضوات اكتبي بعضوية الحيرانة حافظاً علي خصوصيتك: باسورد 123456



اعمل ايه مش قادرة اتقبل الوضع دة

السلام عليكم ورحمة الله وبركاته حبيباتي في الله اكتب اليكم لعلي اجد بينكم من يريح قلبي ويزيل عبئي الثقيل المهم بداية قصتي اني فتاة عمري 23 سنة انطوائية الي حد

 
 
أدوات الموضوع انواع عرض الموضوع
قديم 02-16-2018, 12:47 AM   #1
الحيرانة
حيرانة منتظرة المساعدة
 
تاريخ التسجيل: Jun 2018
المشاركات: 127
افتراضي اعمل ايه مش قادرة اتقبل الوضع دة


السلام عليكم ورحمة الله وبركاته
حبيباتي في الله
اكتب اليكم لعلي اجد بينكم من يريح قلبي
ويزيل عبئي الثقيل
المهم
بداية قصتي اني فتاة عمري 23 سنة
انطوائية الي حد ما
اتربيت تربية دينيه الحمد لله
واتعلمت تعليم عالي
وخلصت جامعتي
وكأي بنت في سني في انتظار فارس احلامها
خصوصا اني مبحبش الشغل بحب اتفرغ لبيتي وزوجي وبس
كل هدفي اني اكون اسرة صغيرة جميلة واولاد اربيهم تربية صح اديهم اللي اتعلمته في حياتي
ويدوني هم كمان اللي نقص مني ومااتعلمتوش
المهم
اتقدملي عرسان كتير خصوصا اني الحمد لله علي قدر من الجمال
ولكني مكنتش ببقي مرتاحة
لحد يوم معين اتصلت بيه صديقة و وقالتلي تعالي زوريني خصوصا واني بحبها فرحت ورحت زرتها
اتاري الزيارة كان وراها حاجة روحت واتصلت بيه علطول وقالتلي ان في شاب كويس كان عندها
وشافني ومعجب بيه
طبعا رفضت لاني اصلا مكنتش احب اجوز بالطريقة دي
وبعدين عدت فترة طويلة
واتصلت بيه وقالتي انه مصممم يتقدملي وانها مالهاش دعوة وهتسيبه يجي البيت
برده رفضت وقلتلها يجي هارفضه برده
عدت برده فترة طويلة
واتصلت بيه واترجتني اروح اشوفه عندها ولو مش مرتاحة كأن شيء لم يكن اترددت في الاول بس قالتلي هو جاي مخصوص علشاني وحرام عليه رحت ليها
وبعدين سابنتي كانت قاعدة قصادي وهو دخل عليه
واول مادخل حسيت براحة غريبة
والابتسامة مع كلامه مفارقتش شفايفي
كاني انسانة تانية
المهم
روحت ولقيته واخد تليفوني منها وبيتصل عليه بيقولي هجوزك يعني هجوزك اجي امتي؟
كانت طبعا قالتلي انه هو شغال في شركة كويسة
المهم
قلتله خلاص تعالي قابل اخوية وهو حر مااديتهوش الراي الاخير مع اني مرتاحة
وجه البيت واول ماشفته قلبي فضل يدق يدق وبقيت برده الابتسامة مابتفارقش شفايفي
وكل اللي في البيت حتي ماما واخواتي بقوا مرتاحين ليه حتي من شكله من غير مايكلموه
وخرج واخويه مرضيش يخليني اقعد معاه
لحد ماجه بالليل وماما فضلت تدردش معا اخويه وقالتله ايه اخبار العريس؟
قالي الصدمة
قالي انت عرفت انه بيشتغل
( سواق)
يااااااااااااااااه
معقولة
الحب اللي افتكرت اني لقيته يضيع كده
ولقيت اخويه بيقولي هو انسان كويس جدا اخلاق ومحترم ومؤدب بس هي دي الحاجة اللي هتدايقك
ومش هتقدري تستحمليها
ولقيته بيتصل بي في نفس اليوم بالليل
قلتله انت غشيتني
قالي لا انا عرفت صاحبتك
فهمت طبعا ان هي كدبت علي علشان تمشي الموضوع
ولقيته
بيقولي هو ده بقي اللي مدايقك الشغل بتاعي
ده
انت وشك جميل عليه
قلتله ليه؟
قالي
عقد السفر بره اللي بتمناه طول حياتي جالي النهارده
وهرتاح انا كمان من الشغلانة المقرفة دي وفهمني انه اشتغلها تحت ظروف خاصة قوي
مش عارفة ليه طرت من الفرحة
ووافقت علي الخطوبة وبقيت طايرة من السعادة
كل اللي شافوني بقو يلاحظوا علينا احنا الاتنين
بس طبعا تاتي الرياح بما لاتشتهي السفن
سافر حبيبي برة ورجع لان طبعا الظروف زي الزفت ومرضيش بالشغل اللي اتعرض عليه
ورجع حزني ليه تاني
وعلشاني حاول يقدم في شركات كتير قوي
بس برده ماكانش بيقبل بعد ماالشغل يجيله لانه كله شغل زي عدمه عمالة وقرف علي الفاضي
ولان مفيش غيرها رجع ليها
وانا بقيت كئيبة
ازاي جوزي يبقي سواق
ازاي اقبل ابو عيالي يبقي سواق
محدش يقولي مالها غصب عني عمري مااتخيلتها
اه بحبه وبموت فيه ومن غيره عمر السعادة ماهتجيني تاني
حاولت اقاوم احساسي ده واقول غصب عنه
طالما هو كويس ومحترو مايعيبوش حاجة
بس غصب عني مبقدرش
لحد ماجه اليوم اللي قلتله وجرحته جرحت حبيبي
قلتله عمري مااتخيلت اتجوز سواق
استحالة ياانا يالشغلانة دي
وكان رد فعله سافر وقفل موبايله ومحدش عرف عنه حاجة شهر كنت هاتجنن
عرفت في الفترة دي قد ايه هو غالي عندي واستحالة اضحي بيه
واتصل بي والده وقالي انا هتجنن هو راح فين
كنت اقوله ايه؟
انا السبب
انا اللي دخلت حياته غلط وكان لازم ابعد اول ماعرفت انه شغال كده
وعيطت وقلتله هو بخير اطمن
وانا اللي كنت هموت واطمن
وف يوم بجرب تليفونه
اداني جرس ورد عليه مانطقش بولا كلمة
ماسمعتش غير دموعه
وقالي كنت متخيل الدنيا كلها تأسي عليه الا انت وكانه طعني خصوصا ان والدته متوفية من وهو 6 سنين
يعني انا بقيت بالنسبة له كل حاجة
بكلكم ودموعي غرقت الكيبورد
وفجأة لقيت انسانه تانية بتكلمه وبتقوله لا انا معاك حتي لو اشتغلت ايه
مش هسيبك تاني
ارجع علشان خاطري طبعا اللي هي انا
وكانه كان مستني ورجع ليه في ثواني وقعد يبكي بين ايديه
حسيت اني عاجزة
اعمل ايه؟
دلوقت ببين ليه اني مش مهتمه بس بتقطع من جوه
بحبه وهو كل حياتي
قولولي ابعد عنه واسيبه يمكن يرتاح بعدين حتي لو تعب دلوقت؟
ولا افضل جمبه وحياتنا تتحول جحيم بسبب كرهي للشغلانة دي؟
انا حيرانة
ياريتني ماقابلته ولاشفته ولا عرفته
ارجوكم محدش يدايقني
انا حالتي النفسية زفت
استودعكم الله



المصدر: سيدات مصر شبكة سيدات مصر - من قسم: الحيرانة


hulg hdi la rh]vm hjrfg hg,qu ]m


من مواضيعي
0 انا عندي مشكله كبيرة ومحتاجه اعرف رايكم ضروري وبسرعه
0 عاوزة اخلف وزوجي رافض
0 مشكلة مش مشكلة
0 عاااجل
0 مرض خطيبى واقف ما بينا ارجوكم ساعدونى
0 شوفوا ليا حل مع سلفتى
0 نهاية السعادة وضياع الاحلام
0 خطيبي سابني
0 انا ام لطفلين واهل جوزي بيتحكمو فيا
0 عاوزه مساعده
0 هل أرجع له مرة أخرى من أجل أبنائى ؟ بعد ان تخلصت من تعذيب زوجى لى بالطلاق
0 اعمل ايه مش قادرة اتقبل الوضع دة
0 مشكلتى مع جوزى مالهاش حل
0 تعرفنا على الفيس وطلعنا زمايل وقال معجب
0 الكدب فى دمى اعمل ايه

الحيرانة غير متواجد حالياً   رد مع اقتباس
 

مواقع النشر (المفضلة)

الكلمات الدلالية (Tags)
الوضع, اتقبل, اعمل, قادرة

مواضيع ذات صله الحيرانة


الحيرانة


*=== (( ما يلفظ من قول إلا لديه رقيب عتيد )) ===*

الرسالة:
الصندوق الماسي الخامس - Massy Version 5
خيارات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
ساعدونى اعمل ايه مش قادره اقبل الوضع ده وصبر اهلى نفد ؟ بنت مصريه الحيرانة 5 04-25-2018 10:14 PM
السوق غير قادرة على التصحيح!! miss.forex الربح من النت | الفوركس Forex 1 11-09-2018 01:09 PM
لو الشاب خالد سعيد اتقتل.. ناس كتير هتتحاسب الاميرة الحلوة مقاطع يوتيوب 5 10-16-2018 08:00 PM
هل انت قادرة على زراعة الحب توتى وشيكو الحياة الزوجية 4 07-06-2018 08:31 AM
صديق خالد لليوم السابع خالد صاحبي اتقتل بنوتة شقية دردشة ومواضيع عامة 5 06-30-2018 03:38 AM


الساعة الآن 11:15 AM

converter url html by fahad

 



Powered by vBulletin® Version 3.8.9
Copyright ©2000 - 2018, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

شبكة سيدات مصر منتدى للنساء فقط

↑ Grab this Headline Animator