ساعدونى على اتخاذ القرار المصيرى

[الحيرانة]

المصيرى , القرار , اتخاذ , ساعدوني

ساعدونى على اتخاذ القرار المصيرى

السلاام عليكم
انا بجد مش عارفه اشكركم ازاي علي القسم ده واحب اقولكم اني يمكن اكون جديده في المنتدي بس بجد لاقيت في حب الاهل والاصحاب والاخوات وعلشان كده لجأت ليكم واخد رايكم يا اخواتي واصحابي
انا مخطوبه من حوالي 4 شهور ومن المفترض ان ان شاء الله زواجي في شهر 10 القادم وروحنا انا وخطيبي علشان نعمل التحاليل اللازمه قبل الزواج بس للاسف اتصدمت صدمه عمري خطيبي اللي بجد اتعلقت بيه فعلاا ودون مبالغه اكثر من اهلي لاانه طيب جداا ومتدين وكل حاجه في الحمدلله كويسه بس اكتشفت انه في احتمال انه غير قادر علي الانجاب بنسبه 60% انا بجد هموت من التفكير هو قالي انا مش هظلمك معايا لو عايزه تبعدي انا هقدر ده وهفضل احترمك برضه بس انا قولت اسيبها علي ربنا سبحانه وتعالي وان شاء الله ربنا يعوض صبري خير وربنا بشر الصابرين بس بعد كده ارجع وافكر طيب ماهو ممكن استغني عن اغلي نعمه ربنا انعم بيها علينا وارجع وافكر تاني اقول ده امتحان من عند ربنا ولازم اصبر عليه؟؟؟؟؟؟؟؟
وبعد كده خلاص هموت من التفكير خسيت جداا وشهيتي قلت في كل حاجه ونفسيتي تعبت ومش بنام اعمل ايه بجد تعبااااااااااااانه

المصدر: شبكة سيدات مصر - من قسم: الحيرانة

---

shu],kn ugn hjoh` hgrvhv hglwdvn hgrvhv hjoh`

[smsm]

يا حبيبتي هوني على نفسك بس وصلي ركعتين استخاره وربنا هيرشدك للتفكير الصح ان شاء الله

[حبة السكر]

بصراحة مشكلتك تحير بجد .. إنتى بين اختيارين أصعب من بعض
بين إنك تتوكلى على الله و تنتظرى كرم ربنا لكم و عطاءه إيماناً بقوله عز من قال : أنا عند حسن ظن عبدى بى
و مابين إنك ممكن كده تكونى بتختارى تحرمى نفسك من نعمة كل إنسان بيتمناها ..

أنا فى رأيى إنك ماتفقديش الأمل .. و لسه فى وقت على ميعاد الجواز ..
أنا رأيى تروحوا لمكان تانى تعملوا فيه التحاليل من جديد و تاخدوها و تروحوا لدكتور متخصص يشوف التحاليل دى و الأولانية و يقولكم إذا كان على الوضع ده يمكن التدخل بالعلاج مثلاً حتى من قبل الجواز و إذا كان ده ممكن يساعد على تغيير الوضع الصحى لخطيبك للأحسن بإذن الله ..
يعنى حاولى تعملوا كل وسيلة للتأكد و معرفة إذا كان العلاج سهل للوضع ده و لا لأ .. و بناءً على اللى هتوصليله أبقى اعملى صلاة الإستخارة و شوفى فعلاً ربنا هيهديكى لأيه ..

و بإذن الله يكون كله خير ليكى و لخطيبك .. و ماتنسيش دايماً كلام ربنا :
" وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ "

[اسماء هانم]

انا مع سمسم صلى استخارة ياحبيتى وسبيها على الله
وبعدين نسبة 60 فى المية نسبة كبيرة
وربنا خلق الداء والدواء صلى استخارة وان شاء الله ربنا يهديلك الحال للخير

[اسماء هانم]

انا مع سمسم صلى استخارة ياحبيتى وسبيها على الله
وبعدين نسبة 60 فى المية نسبة كبيرة
وربنا خلق الداء والدواء صلى استخارة وان شاء الله ربنا يهديلك الحال للخير