العودة   شبكة سيدات مصر > الأقسام التجارية والخيرية > المشاريع و دراسات الجدوى
التسجيل التعليمـــات التقويم البحث مشاركات اليوم اجعل كافة الأقسام مقروءة

المشاريع و دراسات الجدوى دراسات الجدوى,دراسة جدوى جاهزة pdf,كيفية عمل دراسة جدوى,نموذج دراسة جدوى,دراسه جدوى اقتصاديه جاهزه لاكثر من 80 مشروع,دراسة جدوى اقتصادية,نموذج دراسة جدوى doc,دراسة جدوى مصنع بلاستيك,كيفية عمل دراسة جدوى لمشروع صغير,مشروع,مشروع صغير ناجح,مشروع صغير وسهل,مشروع صغير بدون راس مال,مشروع تجاري صغير,مشروع صغير بالمنزل,افكار مشاريع صغيره مربحه اكثر من 100 مشروع,فكرة مشروع صغير,مشروعات صغيرة مربحة فى مصر,مشاريع,افكار مشاريع صغيرة فى مصر,مشاريع تجارية,افكار مشاريع جديدة,افكار مشاريع تجارية صغيرة,مشاريع صغيره للنساء,افكار مشاريع ناجحة,مشاريع منزلية,افكار مشاريع صغيره مربحه اكثر من 100 مشروع


دراسة جدوى لمشروع التروسيكل

دراسات الجدوى,دراسة جدوى جاهزة pdf,كيفية عمل دراسة جدوى,نموذج دراسة جدوى,دراسه جدوى اقتصاديه جاهزه لاكثر من 80 مشروع,دراسة جدوى اقتصادية,نموذج دراسة جدوى doc,دراسة جدوى مصنع بلاستيك,كيفية عمل دراسة جدوى لمشروع صغير,مشروع,مشروع صغير ناجح,مشروع صغير وسهل,مشروع صغير بدون راس مال,مشروع تجاري صغير,مشروع صغير بالمنزل,افكار مشاريع صغيره مربحه اكثر من 100 مشروع,فكرة مشروع صغير,مشروعات صغيرة مربحة فى مصر,مشاريع,افكار مشاريع صغيرة فى مصر,مشاريع تجارية,افكار مشاريع جديدة,افكار مشاريع تجارية صغيرة,مشاريع صغيره للنساء,افكار مشاريع ناجحة,مشاريع منزلية,افكار مشاريع صغيره مربحه اكثر من 100 مشروع



دراسة جدوى لمشروع التروسيكل المشاريع و دراسات الجدوى

دراسة جدوى لمشروع التروسيكل

مع مشروع الموتوسكل ذو صندوق بالخلف أد أية المشروع دة مشروع ممتااااااااز للشباب الي لسة بيبتدي حياتة أو معاة رأس مال صغير الموتوسكل دة

 
 
أدوات الموضوع انواع عرض الموضوع
قديم 04-11-2020, 01:55 PM   #1
كلاسيك
 
الصورة الرمزية كلاسيك
 
تاريخ التسجيل: May 2008
المشاركات: 9,762
افتراضي دراسة جدوى لمشروع التروسيكل


مع مشروع الموتوسكل ذو صندوق بالخلف

دراسة جدوى لمشروع التروسيكل 7838.imgcache


أد أية المشروع دة مشروع ممتااااااااز للشباب الي لسة بيبتدي حياتة أو معاة رأس مال صغير
الموتوسكل دة بيعملوا حوالي سبعة الاف جنية
بس ممكن تشغلة في كل حاجة
1- ممكن تضع علية أدوات بيع مثل المفكات والمفاتيح والبنسة
2- أستخدامة في التسويق ودة من أنجح المشاريع
مثل:
1- تسويق البقالة سكر مكرونة سمن بتشتري جملة من تجار الجملة التقال في السوق وبتوزع علي محلات البقالة التجزئة
2- بست
3- بسكوتات وشيبسيات
بتختار لك أي تخصص وبتبدي تلف علي محلات السوبر ماركت
وأعرف انهم بيحبوك جدا وهيفرحوا بيك جدا
لانهم بدل ما يروحوا يشتروا انتا بتجيلهم لحد عندهم
4- البيض وتوزيع البيض ممتاز جدا بتفوت علي محلات السوبر ماركت ورخص السعر وربنا يكرمك ان شاء الله
وبتشتري من تاجر الجملة
5- أدوات المدرسية توزيع الادوات المدرسية كتب اقلام مساطر برايات كراسات كشاكيل بتجبها بالجملة وتوزع علي المكتبات
6- صنادل وشباشب وأحذية
7- شرابات رجالي وأطفالي
- الخضر والفاكهة
ممكن تعرض عليها انواع من الفاكهة زي موز وتفاح وبرتقال وليمون ومكسبها جميل وكأن لديك محل متنقل وبتشتري من تجار الجملة
8-ملابس مثل بناطيل وقمصان وفنلات وجواكت
تملك من اليوم مشروعك وديرة بنفسك
وقل معنا لا للبطالة
والشغل مفهوش عيب
وممكن تدخل انتا وصديق ليك في مشروع زي دة كل واحد ب تلات الاف ونص
وكأن معاك سوق بتروح اي مكان زي الاسواق وتقف
أو التسويق بأنك تفوت علي المحلات سوبر ماركت وبقالة
والمشروع دة سهل ورخيص وهو مثل التسويق بالسيارة النص نقل
ولاكن الشباب معهوش فلوس يجيب عربية نص نقل ب 120 الف جنية

جت لك الفرصة لحد عندك أعمل مشروعك يلا
المشروع دة جربتة بنفسي بس مش موتوسكل بصندوق لا
كان تروسكل الي هو زي عجلة وودامة صندوق
وكنت بزقة انا وصديق علشان مكنش معانا فلوس نشتري موتوسكل
ومكناش لاقيين حد يساعدنا ولا حد يمولنا ولا حد يقف جنبنا
وكلو سلف بربا وبلاوي
وعلشان كدة بأكد من أنة مشروع رائع وممتاز
وارجو من الجميع أي حد مر باي تجربة ونجح يقول أي افكار
علشان يساعد الشباب
بأفكار للمشاريع
ونريد من الجميع لو أي حد جت لة فكرة وهو بيقرا الموضوع ممكن نستخدم الموتوسكل الجميل جدا دة في أية تاني تسويق أية تاني
علشان نفتح مجالات كتير للشباب وهو يختار بقي براحتة او بما يتناسب معاة
10- واحب اضيف ان دة من انجح مشاريع العصر الممتازة ذو رأس مال بسيط وصغير
والتوزيع من انجح الافكار والمشاريع
لان جميع المحلات تحب الي يروح لها
انا لو صاحب سوبر ماركت اتمني البضاعة تيجي لحد عندي واني مروحش اشتريها
لان لو روحت اشتري يبقي ضياع وقت
وهقفل المحل او اوقف حد مكاني
دة غير تكلفة المشال وهتعب
لاكن ميزة الي بيفوتوا عليا سواء بتروسكل صندوق خشبي او موتوسكل بصندوق او عربية ربع نقل
بيوفر عليا المشال والبضاعة بتجيلي لحد عندي
اقسم بالله من اجمل الافكار الي كانت غايبة عن بالي وتفكيري
والموضوع صعب للوهلة الاولي ممكن تلاقي ناس تقولك شكرا وناس تقولك مش عاوز
وتتعب انا ساعات كان بيصعب عليا نفسي واحس اني هعيط بس بعد كدة الاقي ناس بتطلب بضاعة بالكراتين من شيبسي وبسكوت وبيسألو عليا مبتجيش لية ومبقتش ملاحق بفضل ربنا
واحب اقول نصيحتين :
11- ممكن تستخدم الموتوسكل دة كمان في مشروع تشتري من تجار الجملة للمكتبات الادوات المكتبية الاقلام والكراريس والكشاكيل والاقلام الجاف والمساطر والبرايات والاساتيك والجلادات شغل ومجال واسع وكبير جدا وبمجرد ما تعدي علي المكتبات هيعرفوك ويتعرفوا عليك وان شاء الله يحبوك
12- انك تشتري من تاجر جملة وجميع مستلزمات الصيدليات والمستلزمات الطبية شغلانة محترمة جدا ومربحة جدا ومحترمة وشيك جدا جدا جدا البرفانات وكريمات ومزيلات العرق وتفوت علي محلات البرفانات وهما بياخدوا شغل بالجملة
والله العظيم مجال التوزيع مجال واسع جدا بس انتا انوي وفكر وتوكل علي الله وربنا هيكرمك ان شاء الله
13- ممكن تستخدمة كمعرض لتجارة الاسماك بتشتري الاسماك البلطي والبوري والسردين وانواعة وتعرضها وكانك تمتلك محل ب 150او 200 الف جنية وضع علية تلج المهم
وان شاء الله تنجح
مشاريع كتير وافكار كتير دور وفكر في الي يناسبك واعملة وممكن تبقي شريك مع صديق ليك
14- ومن اجمل الافكار تتفق مع كذا محل جملة انك هتشتري من كشوفات بطلبات ويطلعلك حسنتك
وبتفوت علي كذا محل سوبر ماركت تقولة لو عاوز اي حاجة نجيبهالك ودة شغلي
عاوز بسكوت فيري لمبادا او مولتو
والي عاوز ايريال والي عاوز شيبسيات
وبتاخد حسنتك في النقلة وكانك مشغلة للنقل ممكن يطلعلك انتا وصاحبك في اليوم براحة 50ج
من غير راس مال ولا تحتاج لدكان
15- ممكن تتفق مع اي محل البان بيعمل زبادي بلدي وبيبقي مكتوب علية اسم وتاريخ انتاج وصلاحية وتوزعة ممتاااز
او رز باللبن
فكرو ودوروا ومنتظر المزيد من الافكار
وعاوز اقول اني كنت فاكر اني هلف البلد كلها وهغرق البلد وهمسكها بالبسكوتات والشيبسي
اكتشفت اني مش قادر علي منطقة ولا منطقتين من البلد
يعني لو في 1000 شاب شغالين في البلد بالموتوسكلات دي
والله ربنا بيبعت لكل واحدة رزقة ومحدش بياخد رزق حد
المهم 16- اكبر غلطة عملناها في المشروع دة هو الشكك اوعا اوعا اوعا تنزل بضاعة ويبقي ليك فلوس يا فلوسك كاش يا بلاش
والا بعد كدة هتفوت علشان تلم فلوسك وكانك بتشحت منهم والي يقولك معلش انهاردة والي يقولك فوت عليا بكرة وهتتأرف اخر ارف
انا قولت اهو اوعا الشكك وانتا حر بقي
منتظر افكاركم للتوزيع والتسويق
والله لو مسكت اي مجال كفاية البقالة ملياااااااااااااااااااااا اااانة منتجاااااااااااااااات
شيبسياااااااااااااات بانواعها شيبسي دوريتوس شيتوس كارتية قلبظ شبسيكو
منتجات بالهبل
بسكوتات فيري لمبادا شمعدان
شاي
سكر سمنة زيت بست مكرونااااااات
شغل تقيل وكتير وكبير
17- توزيع الانابيب يا سلااااااااااااام
المهم لما تنوي تشتغل متتكسفش لان محدش بيديلك فلوس واحسن ما تستلف او تشحت او تمد ايدك واحسن مليون مرة ما تبقي شحط طويل ولسة بتاخد مصروفك من بابا وماما عيب عليك
انتا بقيت راجل
توزيع الانابيب بالذات في القري والارياف بيبقوا محتاجينها جدا اقل حاجة 30 او 40 ج براحة يوميا
18- وبجد من المشاريع المحترمة جدا والمربحة جدا والممتازة تجارة الاكياس جميع المحلات والافران والمكاتب كلو بيحتاج اكياس
اكياس صغيرة واكياس كبيرة
بتشتري انتا جملة وتوزع علي المحلات وهو بيفرح جدا انك بتروح لحد عندة
واكياس اللبن واكياس نص كيلو واكياس تاخد كيلو
بتشتري من تاجر جملة اكياس وانتا توزع
والله العظيم
مشروع جميل جدا وسهل جدا وممكن حتي تعملة انك تلف بعجلة بس وودام سبت وعلي الشبكة وتوزع في الاول بس صعب بعد كدة الناس تعرفك ويتخانقوا معاك انتا مجتش امبارح لية
انا روحت استلفت اكياس انا روحت شحط اكياس
بالله عليك ما تتأخر تاني
الاكياس استهلاكها يومي
19- توزيع اللبن السايب بتتفق مع معمل البان وتوزع علي محلات سوبر ماركت اللبن
او بتشتري بالكراتين لبن بخيرة شغل جملة وتوزع علي المحلات
انا كل كلامي للرجالة للي عاوزين يشتغلوا بجد
وراجل يعني ميتكسفش وراجل يعني يعرف بالحلال يجيب القرش
20- الافران يا معلم ياااااااااااااااااااااااا
لو 5 افران بس مسكت شغلك يكفوك مفيش فرن كل يوم الا وبيحتاج سكر ودقيق وعجوة وملبن وسمنة وبيض ولبن بودرة وزيت وبودرة الكاكاو ونشا ومحسنات طعم وحاجات كتير شغل مية مية
شغل عشرة علي عشرة والله العظيم
هذا الزمن زمن الشباب والشغل والتجارة هو زمن التوزيع
21- توزيع الجبن الرومي الجبن الدوبل بتتفق مع مصنع وتوزع للمحلات
الجبنة التلاجة الزيتون
22- ممكن تتخصص في توزيع المنظفات صابون برسيل ايريال مطهرات ارضيات ومطهرات الحمامات
23- توزيع العسل الابيض ممتاااااااااااااااز
بتتفق مع احد المناحل وتنزل توزع
24- توزيع التمور والبلح ودة بالذات قبل وفي شهر رمضان
25- ممكن تتخصص في توزيع الشاي بجميع اصنافة وجميع انواعة ربع كيلو واربعين جرام
شاي لورد والعروسة وليبتون
وشاي فتلة وشاي خرز انواع كتير
وتتخصص معاة في توزيع البن بتتفق مع احد منتجي البن وتوزع لة بن سادة فاتح
بن سادة غامق
بن محوج فاتح بن محوج غامق
26- توزيع كروت شحن الموبايل علي المحلات الموبيلات واكسسوارات المحمول
27- ممكن تتفق مع احد مخازن الادوية وتبدأ تفوت علي الصيدليات ويدولك كشف تروح بية للمخزن وانتا كل شغلتك انك توصلها
28- توزيع جميع مستلزمات الكمبيوتر علي محلات الكمبيوتر من سماعات كي بورد ماوس
فلاشة
بجد الي عاوز يشتغل ان شاء الله هيشتغل
ومازلت انتظر المزيد والمزيد من الافكار
واختار ما يعجبك ويتناسب معاك وتوكل علي الله
ربنا يوسع عليكم كلكم ويرزقكم بالحلال
جزاكم الله كل خير
والسلام عليكم ورحمة الله وبركاتة
المصدر: سيدات مصر شبكة سيدات مصر - من قسم: المشاريع و دراسات الجدوى


]vhsm [],n glav,u hgjv,sd;g hgjv,gds;g d],d


من مواضيعي
0 شوفوا الدفايات وادعولي
0 تصاميم كلاسيك 1
0 برامج الحماية kaspersky-internet-security
0 العريس 36 والعروس 106
0 Eos أندر سيارات فولكس فاجن المستعملة في مصر
0 إجراءات نقل الكفالة في السعودية 2020
0 الصالون المغربي
0 Why You Need A Forex Trading Book
0 اسماء مواليد بنات بحرف الدال
0 للسيدات فى الأربعين نصائح طبية للحفاظ على الصحة والرشاقة
0 البلتاجي و«زكي»: بلطجية سيهاجمون اعتصام «رابعة العدوية» فجر الأربعاء
0 تخطيط الاحتياجات من الموارد البشرية إدارة الأفراد
0 أغنى رؤساء وملوك العالم
0 دراسه جدوى مشروع تشغيل سراته ارز
0 صخب وضجيج في أروقة مؤتمر جينيف2

كلاسيك غير متواجد حالياً   رد مع اقتباس
 

مواقع النشر (المفضلة)

الكلمات الدلالية (Tags)
لمشروع, التروليسكل, يدوي, دراسة

مواضيع ذات صله المشاريع و دراسات الجدوى


المشاريع و دراسات الجدوى



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
دراسة جدوي لمشروع صيدلية كلاسيك المشاريع و دراسات الجدوى 5 09-12-2020 09:12 PM
دراسة جدوى لمشروع منحل عسل كلاسيك المشاريع و دراسات الجدوى 4 04-10-2020 12:44 PM
دراسة جدوي لمشروع بيع لبن الأبل كلاسيك المشاريع و دراسات الجدوى 2 03-06-2020 10:28 PM
دراسة جدوى لمشروع تشغيل سراتة أرز سحر رويتر المشاريع و دراسات الجدوى 1 06-08-2020 09:59 PM
دراسة جدوى لمشروع سنترال سحر رويتر المشاريع و دراسات الجدوى 1 06-05-2020 11:33 PM


الساعة الآن 03:04 AM


Powered by vBulletin® Version 3.8.9
Copyright ©2000 - 2020, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

شبكة سيدات مصر منتدى للنساء فقط

↑ Grab this Headline Animator