العودة   شبكة سيدات مصر > اقسام الاناقة والجمال > العناية والجمال
التسجيل التعليمـــات التقويم البحث مشاركات اليوم اجعل كافة الأقسام مقروءة

العناية والجمال العناية بالجمال بوسائل طبيعية آمنة.. ولحل كثير من المشاكل الجمالية التي قد يصعب حلّها.


طريقة عمل السبداج العراقي في البيت من اسرار خبيرة التجميل همسات الملائكة

العناية بالجمال بوسائل طبيعية آمنة.. ولحل كثير من المشاكل الجمالية التي قد يصعب حلّها.



طريقة عمل السبداج العراقي في البيت من اسرار خبيرة التجميل همسات الملائكة

السلام عليكم ورحمة الله وبركاته معكم خبيرة التجميل همسات الملائكة للوصفات الطبيعية طبعا وعدتكم يابنات مصر اني احط موضوع عن طريقة صناعة السبداج او

 
 
أدوات الموضوع انواع عرض الموضوع
قديم 02-22-2018, 10:10 AM   #1
خبيرة التجميل هموسة
 
تاريخ التسجيل: Jul 2018
المشاركات: 178
افتراضي طريقة عمل السبداج العراقي في البيت من اسرار خبيرة التجميل همسات الملائكة

السلام عليكم ورحمة الله وبركاته

معكم خبيرة التجميل همسات الملائكة
للوصفات الطبيعية

طبعا وعدتكم يابنات مصر اني احط موضوع
عن طريقة صناعة السبداج او مايسمى السفيد اب
في بيتك ومش هتحتاجي بعدها لشراء السفيد اب من السوق
وطبعا انا سالت كذا بنت مصرية امبارح هل متوفر عندكم
مادة السفيد اب اللي هو السبداج العراقي خصوصا الزهري
فقالولي لاء مش متوفر خالص وحتى الابيض منه اللي هو
استيراد ايراني فده برضوا مش متوفر عندنا
فانا قلتلهم بصوا يابنات عايزة انبهكم لحاجة مهمة
بخصوص السفيد اب الايراني ده منه مغشوش
لان فيه منه مصنوع من مواد الرصاص الابيض اللي يستخدم
في الطلاء يعني ده مواد سامة جدا ومضر جدا على البشرة
فقالولي طيب ياهمسات ياريت تقولينا على طريقة عمله
وكان قصدهم على طريقة عمل السفيداب الابيض
فانا النهاردة يابنات هقولكم على طريقتي في عمل السفيد اب
وطبعا الطريقة دي هية مني لكل بنت مصرية تدخل هنا
لكن ارجوكم يابنات اي وحدة تدخل وتقراء موضوعي ده
بلاش تاخده وتعمله يوتيوب وتكتبه باسمها زي ماسرقوا
مني كتييييير مواضيع مني ونسبوها لنفسهم ارجوكم بلاش
تعملو فيا العمل ده انا بحاول اساعدكم لاني بحبكم في الله
زي خواتي لكن انا مش بستحق منكم كدة فارجوكم تفتكروني
لما تاخدوا اي موضوع مني وتعملوه كيوتيوب او تنقلوه
لمنتدى تاني لازم تكتبوا اسمي لاني صاحبة الفكرة والموضوع
ماشي يلة بقى على طريقة عمل السبداج العراقي الابيض

مكونات السفيد اب الابيض
اولا قشور البيض كمية تقريبا اربع اكواب
ثانيا كوب ماء ورد
ثالثا اربع اكواب ماء عادي
رابعا ملعقة صغيرة زيت عطري ممكن زيت الورد
او اي نوع زيت عطري حسب رغبتك

طريقة العمل كالاتي

هاتي قشور البيض اغسليها كويس جدا جدا بعدها هاتي برطمان
زجاجي عندك وحطي القشور دي في البرطمان كسريها وحطيها
وبعد كدة هاتي المية العادية وضيفيها على القشور اللي في البرطمان وبعدها حطي كمان مية الورد والزيت العطري
طبعا حسب المقادير اللي قولتلك عليها قبل كدة ماشي
بعد كدة حطي البرطمان اللي في الخليط ده حطيه في مكان
اي مكان عندك وسبيه لمدة عشرة ايام فقط بعدها طلعي البرطمان
ده وطلعي منه القشور وصفيهم من الماء بعدها هاتي قماشة
وحطي القشور دي وافرشيها على القماشة دي عشان تنشف
لوحدها وسبي القشور كدة لمدة تلات ايام وبعد ماتنشف خالص
ومفيهاش اي رطوبة خديها واطحنيها كويس جدا جدا
يعني يكون الطحن ناعم جدا جدا وبعد كدة هاتي مصفي ناعم
وصفي القشور المطحونة عشان تاخدي الناعم منه وتطحني
اللي لسة خشن منه يعني لازم تكون القشور مطحونة بشكل
ناعم جدا جدا زي الدقيق كدة فهمتي ياقمرة
بعد ماتكون القشور ناعمة وزي الدقيق دلوقتي بقى حطيها
في علبة فاضية عندك وحطي معاها تلات معالق اكل نشاء
الدرة واخلطيهم كويس وبالشكل ده بقى عندك السفيد اب
تقدري تستخدميه اي وقت تحبي

طريقة الاستخدام كالاتي
حطي معلقتين اكل من السبداج ده في طبق صغير عندك
وحطي معاه نص معلقة اكل حليب بودرة وحطي معاهم
معلقة اكل زبادي ومعلقة اكل مية ورد اخلطيهم كويس
وافرديهم على بشرتك لكن لازم تغسلي بشرتك قبل عمل الماسك
وسبي الماسك ده على بشرتك لمدة نص ساعة وبعدها اغسلي
بشرتك بمية دافية ورطبيها عادي وروحي شوفي بشرتك
بالمراية هتدعيلي بيااااض وبشرة ناعمة بامر الله وعن تجربة

دلوقتي بقى نيجي على طريقة عمل السبداج الوردي القلاي

مكونات السبداج الوردي
اولا قشور البيض اربع اكواب
تاني حاجة كوب من زهرة الكركدية المجفف
تالت حاجة كوب ماء ورد
رابعا اربع اكواب مية عادية
خامسا زيت عطري معلقة صغيرة

طريقة العمل بقى
اول حاجة هاتي كوب زهور الكركدية وحطيهم في طاسةاو طبق عندك وحطي معاهم كوب مية الورد وسبيهم لحد مايكون
لون المية احمر غامق جدا جدا بعدها هاتي قشور البيض
اغسليهم كويس جدا وبعدها هاتي برطمان وحطي القشور دي
داخل البرطمان ده وبعدها حطي المية العادية
مع القشور اللي في البرطمان الزجاجي بعد كدة هاتي
الطبق اللي فيه زهور الكركدية دي والمية وصفي المية الحمرا دي
من الزهور وخدي المية الحمرا وضفيها مع خليط القشور
والمية ماشي بعدها حطي معلقة صغيرة من زيت عطري
اي نوع تحبيه حسب رغبتك واخلطيهم مع بعض كويس
داخل البرطمان ده وحطي البرطمان في اي مكان عندك
وسبيه لمدة 15 يوم بعدها طلعي البرطمان وصفي القشور دي
من المية وافرديها على قماشة وسبيها تنشف نهائي لمدة
تلات ايام بعد كدة اطحنيها زي مافهمتك قبل كدة في طريقة
عمل السبداج الابيض بعد ماخلصتي طحن القشور الزهرية دي
وبقت زي الدقيق عندك دلوقتي بقى هاتي برطمان تاني
وحطيهم داخل البرطمان بعد كدة هاتي نص كوب زهرة الكركدية
وحطيهم في طبق عندك وبعدها حطي معاهم نص كوب مية
عادية وسبيهم لحد مايكون لون المية حمرا جدا وغامقة جدا
بعدها صفي المية الحمرا دي من الزهور وبعدها هاتي نص
كوب نشاء الدرة وحطيهم مع المية الحمرا واخلطيهم كويس
بعدها سبيهم لمدة اسبوع لحد ماينشف المية خالص ويتحول النشاء
الى شبه حجر زهري بعدها كسري وفتتي النشاء ده وحوليه
تاني لبودرة هيكون عندك النشاء بودرة وردية دلوقتي بقى
حطي النشاء الزهري ده مع خليط دقيق القشور اللي في البرطمان
الزجاجي واخلطيهم مع بعض كويس جدا يعني هتخلطي
دقيق القشور اللي بقت زهرية كمان مع النشاء الزهري
اللي عملتيه واخلطيهم كويس جدا وبالشكل ده بقى عندك
سيبداج قلاي وردي زي اللي انا حطيته في الصورة في
موضوعي السابق ماشي واحفظيه في علبة او برطمان لاي وقت
الاستخدام

اما طريقة استخدامه كالاتي
حطي معلقتين اكل من السيبداج الوردي في طبق وحطي معاه
معلقة اكل زبادي ونص معلقة اكل ميةورد واخلطيهم وافرديهم
على بشرتك بشكل ماسك وسبيهم لمدة نص ساعة بعدها
اغسلي وشك بمية لوحدها وخلاص وروحي شوفي وشك بالمراية
هتدعيلي وممكن ترطبي وشك بعد الاستخدام لكن قبله لازم تغسلي
وشك بمية وصابون او غسول قبل عمل الماسك ماشي
وبالشكل ده انتهى موضوعي يارب عجبكم انا فعلا تعبت
يابنات هههههه من الكتابة طبعا متنسونيش من الدعوات بقى
وزي مافهمتكم اوعوا تاخدوا الموضوع وتنسوني ههههه
يلة بقى ياقمرات اشوفكم مرة تانية ان شاء الله
مع السلامة



المصدر: سيدات مصر شبكة سيدات مصر - من قسم: العناية والجمال


'vdrm ulg hgsf]h[ hguvhrd td hgfdj lk hsvhv ofdvm hgj[ldg ilshj hglghz;m


من مواضيعي
0 كريم تكبير الارداف من مواد طبيعية مضمون ومجرب
0 وصفة سهلة جدا لشد البشرة وجفون العين بديلة الكريمات العالمية مجربة من اسرار خبيرة التجميل هموسة
0 من اسرار خبيرة التجميل همسات الملائكة ماسك 2 في 1 لتبيض الوجه بخمس دقائق وبديل الاسكراب
0 الاشراك بدين الله الواحد( الاسلام ) وظهور الفتن ( الجزء الرابع )
0 رجعي شبابك من جديد مع جلسة الكولاجين سر مراكز التجميل ( هدية مني )
0 سرقوا مني اختراعاتي ومواضيعي ونشروها ع اليوتيوب ونسبوها باسمائهم
0 خلطة همسات لتسمين الخدود والارداف امنة ومضمونة ومجربة
0 طريقة عمل صابونة الارز لتفتيح البشرة من خبيرة التجميل همسات الملائكة
0 الشيعة هم من قتلوا الحسين بن علي والدليل من كتب الشيعة انفسهم
0 خلطة همسات لنفخ الخدود بشكل دائمي مجربة
0 علاج الام المفاصل باذن الله وصفة سهلة مجربة
0 المعنى الحقيقي لكلمة سنة وشيعة
0 خلطة همسات لتسمين الوجه فقط
0 مشروب سهل ومتوفر بكل بيت لتكبير الصدر بأسبوع مجرب
0 كريم هالات سوداء من خبيرة التجميل همسات الملائكة

خبيرة التجميل هموسة غير متواجد حالياً   رد مع اقتباس
 

مواقع النشر (المفضلة)

مواضيع ذات صله العناية والجمال


العناية والجمال


*=== (( ما يلفظ من قول إلا لديه رقيب عتيد )) ===*

الرسالة:
الصندوق الماسي الخامس - Massy Version 5
خيارات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
طريقة عمل السبداج العراقي في البيت من اسرار خبيرة التجميل همسات الملائكة خبيرة التجميل هموسة العناية والجمال 0 02-22-2018 10:01 AM
طريقة عمل بودرة مائية في البيت من اسرار خبيرة التجميل همسات الملائكة خبيرة التجميل هموسة العناية بالبشرة والجسم 1 01-18-2018 11:59 AM
طريقة عمل ملح الحليب في البيت من خبيرة التجميل همسات الملائكة خبيرة التجميل هموسة العناية بالبشرة والجسم 0 12-30-2018 04:25 PM
من اسرار خبيرة التجميل همسات الملائكة طريقة عمل صابونة لنفخ الخدود زي الجاهزة مجربة خبيرة التجميل هموسة العناية بالبشرة والجسم 0 12-28-2018 06:51 PM
من اسرار خبيرة التجميل همسات الملائكة طريقة عمل ماسكرا حواجب ملونة في البيت بكل سهولة خبيرة التجميل هموسة العناية بالبشرة والجسم 0 12-28-2018 06:28 PM


الساعة الآن 02:43 PM

converter url html by fahad

 



Powered by vBulletin® Version 3.8.9
Copyright ©2000 - 2018, vBulletin Solutions, Inc.
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

شبكة سيدات مصر منتدى للنساء فقط

↑ Grab this Headline Animator