سيدات مصر

العودة  
اسم العضو
كلمة المرور
مركز تحميل الصور القرآن الكريم مواضيعي التسجيل البحث مشاركات اليوم اجعل كافة الأقسام مقروءة

دردشة ومواضيع عامة الحوارات العامة والمواضيع والنقاشات والقضايا الساخنة وحوارات التوك شو


يارب كل ايامكو افراح اتفضلو الفرح من هنا

الحوارات العامة والمواضيع والنقاشات والقضايا الساخنة وحوارات التوك شو





المواضيع المتشابهه للموضوع: يارب كل ايامكو افراح اتفضلو الفرح من هنا
الموضوع كاتب الموضوع المنتدى مشاركات آخر مشاركة
جروب المة الحلوة اتفضلو اتفضلو تجدو ما يسركم ندى الورد123 شات ورغي الستات 202 09-15-2016 12:02 AM
الفرج ، مفاتيح الفرج ، تعريف الفرج حنين الهمس القسم الإسلامي العام 1 06-15-2013 04:12 PM
شروط اختيار كروت الفرح , قبل ماتختاري دعوات الفرح ادخلى هنا * Dollcy * تجهيزات العروسة 9 05-06-2012 07:15 AM
الفرج ذو الرائحة الكريهة أو التهاب الفرج اللاهوائي مزنتي صحة المرأة 4 04-22-2012 01:44 AM
فساتين افراح للمحجبات يارب تنال اعجابكم thequte angel فساتين زفاف 2017 - فساتين خطوبة - فساتين سواريه 2017 11 09-18-2011 04:36 PM

يارب كل ايامكو افراح اتفضلو الفرح من هنا

الفرح الشعبي والفرح الريفي وجهان لعملة واحدة.. هذه العملة هي (الفرحة الحقـيقية) سواء للعروسين أو الأهل، والفرحة هنا لا تقتصر علي يوم أو ليلة واحدة أو فترة زمنية محددة كما

إنشاء موضوع جديد إضافة رد
كاتب الموضوع saadelhelaly مشاركات 10 المشاهدات 3674  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
أدوات الموضوع انواع عرض الموضوع
قديم 02-07-2010, 05:55 PM   #1
saadelhelaly
Avatar Yok
تاريخ التسجيل: Nov 2009
المشاركات: 102
المواضيع:
يارب كل ايامكو افراح اتفضلو الفرح من هنا



الفرح الشعبي والفرح الريفي وجهان لعملة واحدة.. هذه العملة هي (الفرحة الحقـيقية) سواء للعروسين أو الأهل، والفرحة هنا لا تقتصر علي يوم أو ليلة واحدة أو فترة زمنية محددة كما هو الحال في أفراح المدينة في القاعات والنوادي والفنادق.

فمراسم الاحتفال في الأفراح الشعبية والريفية تمتد لأربعة أيام أو أكثر من ذلك، ولكل يوم من هذه الأيام طقوسه وأغنياته الخاصة النابعة من تراثنا الشعبي المصري.
التنجيد و الأثاث
يبدأ الفرح بـ (ليلة التنجيد) حيث يجتمع أهل العروسين للإعلان عن بداية الأفراح واقتراب موعد الزفاف وهنا نسمع أغاني خاصة بهذه المناسبة فنسمع مثلاً
ما تعلي باب الأوضة يا واد يا بنا…
وعلي باب المندره يا واد يا بنا…
وعلي باب القاعة يا واد يا بنا…

ثم تأتي ليلة (نقل الأثاث) من منزل العروسة إلي عش الزوجية، فتنطلق الزغاريد والأغاني من فوق السيارات التي تحمل الأثاث ويبدأ الجميع في الغناء من حول السيارات فنسمع :

افرحي يادي الاوضة.. جياكي عروسه موضة...

افرحي يادي المندرة.. جياكي عروسه سكرة...

افرحي يادي القاعة.. جياكي عروسه الساعة...

وما أن يقتربوا من المنزل الذي سيجمع العروسين حتى نسمع :

رشوا الشارع ميه.. عروسة الغالي جاية .

رشوا الشارع كاكولا.. عروسة الغالي منقولة.

ايوة يا حارة ضالمة .. أجنا اللى نورنا

أيوة يا حارة هس هس .. أحنا اللى عمالنلكم حس

ليلة الحنة
ثم يأتي بعد ذلك مظاهـر الاحتفال بالحنة أو(ليلة الحنة) والتي تكون غالبا في بيت العروسة فنجد العروسة تجلس وسط صديقاتها وتتولى إحدى السيدات رسم الحناء علي يديها، ويبدأ أهلها وأقاربها في الغناء علي دق الطبلة فنسمع

مدي ايدك يا عـروسه.. مدي ايدك للحنة...

مدي ايدك يا عـروسه.. مدي ايدك وتحنَي...


وكذلك تتغنى السيدات طلبا للعريس

بس الوله يجي.. بس الولة يجي...

يجي عالمحطه.. وادبحلوا بطة...

يجى عند دارنا .. وادبحلة حمامنا ، واشاورلة يجى

يجي عالتسريحة.. وأحطلوا ريحه...

وإسكاتا للأب تغني السيدات

يحيا أبوها يحيا.. يحيا أبوها يا جدعان...

يحيا أبوها وشنبه.. اللي ما حدش غلبه...


وطبعا مالناش الحق نسال اللي أبوها حالق شنبه يعمل إيه.

أما في منزل العريس فالأمر لا يختلف كثيراً فنجد فيه (حفلة وداع العزوبية) وهنا نجد أصدقاء العريس يغنون له فيقول أحدهم

حلال عليك ست الحلوين.. عرفت يا عريسنا تنقي...

رشوا الملح يا ناس م العين.. ورقصوني ده أنا من حقي...

الليلة ليلة هنا وسرور.. وكوبيات في صواني بدور...

ومالناش دعوة باه الكوبيات دي فيها إيه
أدحرج واجري يا رمان
ونصل إلي ليلة الفرح الكبرى .. ليلة الزفاف أو ( ليلة الدخلة ) .. فالأنوار معلقة في بيت العروسين .. أصدقاء العروسة يحيطون بها في إحدى غرف المنزل حيث تجلس بين يدي " الكوافيرة " فتنطلق أغنية

ما تزوقيني يا ماما.. قوام يا ماما...

ده عريسي هايخدني.. بالسلامه يا ماما...

ومتعرفش بصراحة هي مستعجلة علي إيه، أكنها مخطوبة للسيد نجل.... ولا بلاش


أما بيت العريس فترى نفس المشهد , فأصدقاؤه يحيطون به وهو يرتدي ملابس الفرح وهنا نسمع


يا أولاد بلدنا يوم الخميس..

ها كتب كتابي وابقي عريس..

الدعوة عامة وها تبقي لمة..

وها يبقي ليه في البيت ونيس... يا أولاد بلدنا.


أما في الليل تنطلق الزفة وتبدأ بزغاريد متتالية ثم يبدأ الغناء من الجميع، فقد وصلت الفرحة ذروتها، فعلي نغمات الفرق الموسيقية نسمع :

بسم الله الرحمن الرحيم وهنبدأ الليلة.. آه.. آه ..

دة عريسنا الزين كحيل العين وعروستة حلوة وجميلة
حنقول يا ليل، ونقول ياعين..
حصوة في عينك ياللى
ياللى ما تصلى ، ماتصلى على النبى
ثم يبدءون في

صلي.. صلي.. ع النبي صلي

واللي ما يصلي أبوه أرملي.. صلي

وكذلك

أدحرج واجري يا رمان.. وتعالي علي حجري يا رمان..

دانا حجري حنين يارمان.. يخدك ويميل يا رمان..


ونسمع أيضا اشهر الأغاني الشعبية

دقوا المزاهر يلا.. يأهل البيت تعالوا

جمع ووفق والله.. وصدقوا اللي قالوا

عين الحسود فيها عود يا حلاوة..

عريس قمر وعروسته نقاوة..

واحنا الليلة دى كدنا الأعادي.


وعند توصيل العروسين تزف العروسة بـ

طالعة السلالم يا مشا الله عليها..

ست العرايس والعريس في أيديها.

المنافسة مشتعلة
أما الطريف أننا نسمع أغاني كثيرة تعبر عن المنافسة بين أهل العريس أهل العروسة فلكل جانب أغنياته.

فأهل العريس ينشدون

خدناها ..خدناها ..

طلبناها م الصيف الماضي.. وأبوها ما كنش راضي..

وعلشنها بعنا الأراضي.. الحلوة اللي كسبناها..

خدناها بالملايين.. وهما ما كـنوش راضيين..

علشنها بعنا الفدادين.. الحلوة اللي كسبناها.


أما أهل العروسة يغنون

اوعيلوا يابت اوعيلوا.. الضابط يبقي زميله...

اوعالها يا واد اوعالها.. ده العمدة يبقي خالها...

وتستمر هذه الأغاني وسط فرحة الأهل والأحباب حتى تنتهي الزفة ومعها تنتهي الأغنيات في هذه الليلة لتبدأ في مكان آخر إعلانا عن ميلاد فرحة جديدة في منزل جديد .

ودلوقتى علشان تبقو مستعدين للفرح اتفضلو شوية الأغانى دول

أمسك يالا حرامى – حلق يالا حرامى
مالك يا بت انتى وهية على الشباب رايحة وجاية مافيش جواز النوبة دية وامسك يالا ( حرامى – حرامى )
مالكم كدة يا بنات هايمين على الشباب رايحين جايين مافيش جواز واغسلو مواعين وامسك يالا ( حرامى – حرامى )
شوف الشباب التعبانة بتحب البت المليانة وراحت عليكى يا نشفانة وأمسك يالا ( حرامى – حرامى )
شوف الشباب الفقرية بتحب البت الغجرية وراحت عليكى يا بلطية وأمسك يالا ( حرامى – حرامى )
شوف البنات التعبانة بتحب الواد أبو لبانة وراحت علينا يا رجالة وأمسك يالا ( حرامى – حرامى )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
يا سلام يا سلام على المحبة والغرام
في بنات تسعد تريح وبنات تودى اللومان
هجبهالكو على بلاطة البنات خلوها بطاطة اللى امها رايحة الخياطة وهى مواعدة عشر جدعان
هجبهالكو على طبلية البنات خلوها ملوخية اللى امها رايحة الكلية وهى مواعدة ابن الجيران
أول يوم انا رايحة النادى تانى يوم انا رايحة النادى البنات ذى الزبادى تاكلها وتصبح جعان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يا ليالى ياليالى يا ليالى ياليالى الفرح تعالى
وقفنا النمل طابور ( يا ليالى ) ركبنا الفيل حانطور ( يا ليالى ) أكلنا الفرخة جاتوة ( يا ليالى ) لابسنا المعزة مايوة
ماما نجوى صباح الخير( يا ليالى ) ماما نجوى مساء الخير ( يا ليالى ) ماما نجوى فكر ثوانى ماما نجوى تكسب صوانى
أنا شايف طبلة وزار ( يا ليالى ) وشباب بتولع نار ( يا ليالى ) دة الحزن في سطرين والباقى كلة هزار
كتاب حياتى يا عين ( يا ليالى ) ما شفت زية كتاب ( يا ليالى ) الحزن في سطرين والباقى كلة حنان
أنا شايف زينة ونور ( يا ليالى ) وعريس ( وشباب ) حلو وأمور ( يا ليالى ) دة الحزن في سطرين والباقى كلة زهور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
أدلع يا عريس يا ابو لاسة نايلون أدلع يا عريس وعروستك نايلون
الواد أحمد دة حماتة حباة ( لاى لاى ) من صغرة راحة جاية وراة وبتديلى على قفاة أبو لاسة لاسة نايلون
الواد أحمد دة حلو وزين( لاى لاى ) أحترت اجبلة انا اكل منين تدة داهية في طقة ياكل حمارين أبو لاسة لاسة نايلون
الواد أحمد ركب الحنطور( لاى لاى ) وزمايلة واقفين لة طابور بيقولولة يا ابو بربور أبو لاسة لاسة نايلون
الواد أحمد دة كلة شباب( لاى لاى ) ومراتة واقفالة على الباب واقفة ومسكالة القبقاب أبو لاسة لاسة نايلون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ليلا ليل لايل لا يلا - لا لايل لايلا ليلى ليلا
ودخلت زراعة برجليا ودخلت ولا سمو عليا وخرجت منها بعد سنين لابس سديرى وجلابية
ودخلت بطرى برجليا ودخلت ولا سمو عليا وخرجت منها بعد سنين باربع رجول وليا
ودخلت طب برجليا دخلت ولا سمو عليا وخرجت منها بعد سنين فشلت في اول عملية
ودخلت حقوق برجليا ودخلت ةلا سمو عليا وخرجت منها بعد سنين خسران اول قضية
ودخلت جيولوجيا برجليا ودخلت ولا سمو عليا وخرجت منها بعد سنين ماسك حجارة بايديا
ــــــــــــــــــــــــــــــــــــــــــــــــــ ـــــــــــــــــــــــــــــــــ

منتدى , منتديات , بناتي , ازياء , تسريحات , قمصان نوم , رسائل , حب , ملابس , فتكات , رجيم , لانجري , بنات , للبنات , العاب , اسرة , سيدات , نسائية , نسائي , مصر , العالم , اكلات , طبخ , الحمل , ديكور , كروشية , صور , مكياج , البيتزا , ميك اب , البشرة , فيديو , طريقة , ستائر , غرف , أطفال , غرف نوم , فساتين , زفاف , 2017 , 2016 , شتوية , صيفية , اكسسوارات , التخسيس , حلويات , طريقة , تريكو , الاحلام , تفسير الاحلام , حواء , اكلات , تفسير حلم , قصات , قمصان , رمضان , u]ghj , TJ;HJ , فساتين , عبايات , عيد , لانجيري , البشرة , تساقط , مطبخ , لكي , مصر , مصرية , شعر , خليجية , tj;hj , 2015



المصدر: سيدات مصر


dhvf ;g hdhl;, htvhp hjtqg, hgtvp lk ikh hjtqg, hdhl;, htvhp


المصدر: سيدات مصر


dhvf ;g hdhl;, htvhp hjtqg, hgtvp lk ikh ]hvj

التوقيعلا يوجد توقيع لهذا العضو
saadelhelaly غير متواجد حالياً   رد مع اقتباس الرد السريع على هذه المشاركة
قديم 02-07-2010, 06:13 PM   #2
bosy
Avatar Yok
تاريخ التسجيل: Oct 2009
المشاركات: 183
المواضيع:
افتراضي رد: يارب كل ايامكو افراح اتفضلو الفرح من هنا

هههههههههههه
ايه العسل ده
امال احنا مش عندنا كده ليه
دلوقت الدي جي بهدل الدنيا
التوقيعلا يوجد توقيع لهذا العضو
bosy غير متواجد حالياً   رد مع اقتباس الرد السريع على هذه المشاركة
قديم 02-07-2010, 07:02 PM   #3
مصرية
ليدي شطوره
Avatar Yok
تاريخ التسجيل: Dec 2009
المشاركات: 623
المواضيع:
افتراضي رد: يارب كل ايامكو افراح اتفضلو الفرح من هنا

لولولولىىىىىىىىىىىىىى وادى ظغروطه منى كمان والله العظيم انا اختى هتتجوز فى شهر 4 واحنا ساكنين فى شقه بعيده عن بيت العيله ومش هنلاقى حد يهيس لينا بس شكلنا كده هنجيبك تهيسلنا شويه بس يلا خدى ظغروطه كمان لولولولولىىىىىىىىى ههههههههههههه
التوقيعلا يوجد توقيع لهذا العضو
مصرية غير متواجد حالياً   رد مع اقتباس الرد السريع على هذه المشاركة
قديم 02-07-2010, 11:36 PM   #4
رودى
Avatar Yok
تاريخ التسجيل: Jan 2010
المشاركات: 116
المواضيع:
افتراضي رد: يارب كل ايامكو افراح اتفضلو الفرح من هنا

والله عسل جدا يا مى
عاوزة أقولك احنا خمس بنات وولد وكلنا إتجوزنا وانا بقى اللى كنت باحيى الليالى دى عشان النا بتقول عليه صوتى حلو جدا وحنجرتى قويه
ضيفى الميزة دى عندك يا بوسى فى الحاجات اللى جوزى بينتقدها فيه رغم ان فعلا صوتى حلو برضه بشهادة أهلى وأهله وإخواته اللى بيحبوا يسمعونى وانا باغنى فى المطبخ
ههههههههههههههههههههههههههههههه
أى خدمه ربنا يفرحكوا كلكم يارب
التوقيعلا يوجد توقيع لهذا العضو
رودى غير متواجد حالياً   رد مع اقتباس الرد السريع على هذه المشاركة
قديم 02-08-2010, 02:59 PM   #5
دعاء صاحبة اسماء
Avatar Yok
تاريخ التسجيل: Oct 2009
المشاركات: 1,239
المواضيع:
افتراضي رد: يارب كل ايامكو افراح اتفضلو الفرح من هنا

ههههههههه والله يا ميوية انتى عسل حلو فاموس الاغانى دة
التوقيعلا يوجد توقيع لهذا العضو
دعاء صاحبة اسماء غير متواجد حالياً   رد مع اقتباس الرد السريع على هذه المشاركة
إنشاء موضوع جديد إضافة رد
كاتب الموضوع saadelhelaly مشاركات 10 المشاهدات 3674  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع

مواقع النشر (المفضلة)

الكلمات الدلالية (Tags)
الفرح, اتفضلو, ايامكو, افراح, دارت

مواضيع ذات صله دردشة ومواضيع عامة


دردشة ومواضيع عامة

يارب كل ايامكو افراح اتفضلو الفرح من هنا


*=== (( ما يلفظ من قول إلا لديه رقيب عتيد )) ===*

الرسالة:
الصندوق الماسي الخامس - Massy Version 5
خيارات



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه للموضوع: يارب كل ايامكو افراح اتفضلو الفرح من هنا
الموضوع كاتب الموضوع المنتدى مشاركات آخر مشاركة
جروب المة الحلوة اتفضلو اتفضلو تجدو ما يسركم ندى الورد123 شات ورغي الستات 202 09-15-2016 12:02 AM
الفرج ، مفاتيح الفرج ، تعريف الفرج حنين الهمس القسم الإسلامي العام 1 06-15-2013 04:12 PM
شروط اختيار كروت الفرح , قبل ماتختاري دعوات الفرح ادخلى هنا * Dollcy * تجهيزات العروسة 9 05-06-2012 07:15 AM
الفرج ذو الرائحة الكريهة أو التهاب الفرج اللاهوائي مزنتي صحة المرأة 4 04-22-2012 01:44 AM
فساتين افراح للمحجبات يارب تنال اعجابكم thequte angel فساتين زفاف 2017 - فساتين خطوبة - فساتين سواريه 2017 11 09-18-2011 04:36 PM

سيدات مصر ازياء ازياء محجبات عبايات لانجيري مكياج ديكور تريكو تسريحات فساتين غرف نوم كوش مكياج عرايس اكسسورات انتريهات وصفات طبخ

الساعة الآن 10:12 AM


Powered by vBulletin® Copyright ©2000 - 2016, Jelsoft Enterprises
التعليقات المنشورة لا تعبر عن رأي موقع سيدات مصر ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
دليل المواقع
أضف اعجاب لصفحتنا